IMAGE ёш дизайнерлар танлови намойиши

16 ва 17 декабрь кунлари Image лойиҳасининг гала-намойиши бўлиб, унда 20та дизайнер мактаб формаси учун ўзларининг ғояларини намойиш этдилар. 

Мактаб формаси учун ўз лойиҳаларини 983та дизайнер тақдим этган бўлиб, ҳакамлар ҳайъати улардан 20тасини танлаб олдилар ва улар финал намойишида иштирок этдилар. 

Ҳакамлар ҳайъатига ёшлар иттифоқи, ёш дизайнерлар иттифоқи, Халқ таълими вазирлиги, Соғлиқни сақлаш вазирлиги вакиллари, психологлар ва енгил саноат бўйича мутахассислар киритилган. Улар формани бичим, мато танлови, ранги, дизайни ва қулайлиги каби 5та мезон бўйича баҳолашди.

12 декабрь куни формаларнинг вариантлари www.yi.uz сайтида халқ сайлови учун қўйилган эди. Ота-оналарнинг аксарияти спортив ва casual услубидаги формага хайрихоҳлик билдиришган.

Шунингдек, Izy Sparta, Dilnoz, Gigu каби бир нечта дизайнерлар танловдан ташқари ўзларининг ишларини намойиш этдилар.

Либосларни FashionLab ўқувчилари тақдим этишди.

Энди ёшлар иттифоқи халқ танловининг натиаларини кўриб чиққан ҳолда ғолибни аниқлайди. Дизайнер бутун республика бўйлаб тикиладиган формалардан фоиз даромад оладиган шартномани қўлга киритади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.