«Тарона шоу»да машҳурлар қандай либосда намоён бўлдилар

23 ва 24 декабрь кунлари «Истиқлол» санъат саройида янги йил байрамига бағишланган «Тарона шоу» гала-концерти бўлиб ўтди. Концертда таниқли эстрада хонандалари Шаҳзода, Райҳон, Муниса Ризаева, Лола, Умидахон, Зиёда, Дилсўз ва бошқалар ўзларининг машҳур тароналарини ижро этдилар. Лекин бугунги шарҳимиз уларнинг ижодига эмас, балки концертга ташриф буюрган либосларига бағишланади.

Хонанда Шаҳзода гала-концертда серқирра ижодкор Нариман Григорян томонидан яратилган муҳташам қора рангдаги либосда пайдо бўлди.

Райҳон ҳам қора рангдаги ўта замонавий бичимдаги либос кийган. Либос дизайнери сифатида Ирода Ағзамхўжаевани кўрсатган.

Нилуфар Усмонова бежирим қора кўйлак кийган бўлиб, либос бичими соддалиги билан эътиборни тортди.

Хушовоз хонанда Лола таниқли дизайнер Зулфия Султоннинг ижодига мансуб ҳарир либосда.

Хонанда Ягона машҳур дизайнер Хафизхон тиккан либосда.

Умидахон баҳор кайфиятини уйғотувчи нафис либос кийишга қарор қилган.

Хонанда Манзура оқ ва кумуш рангдан тикилган костюмда мухлислар қаршисида намоён бўлди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.