Мевали «Шарлотка»лар тайёрлаймиз

Ҳозир ёз ва турли мевалардан мазали пироглар пиширишнинг айни вақти. Бугун сиз билан олчали ва смородинали «Шарлотка»лар рецепти билан бўлишамиз. 

Смородинали «Шарлотка»

Тайёрланиши:

Смородинани тозалаб ювиб оламиз. Ҳамир учун: тухумни шакар билан кўпиртириб оламиз, кейин секин-аста ун ва разрыхритель қўшамиз, бир ҳил массага келтирамиз. Тавага ун сепиб, тагига смородинани териб чиқамиз. Устидан тайёр ҳамирни қуямиз. Аввалдан қизитиб олинган духовкада 20-25 дақиқа пиширамиз. Тайёр бўлган пирогни совугандан сўнг, ликопка қўйиб шакар уппаси билан безатамиз.


Олчали «Шарлотка»

Тайёрланиши:

Олчани тозалаб ювиб оламиз ва данакдан ажратамиз. Ҳамир қориб оламиз: тухумни шакар билан кўпиртирамиз, кейин ёғсиз творог қўшамиз. Секин-асталик билан ун билан разрыхлителни соламиз. Чуқурроқ тавани ёғ билан суртиб оламиз. Тагига олча терилади ва ҳамир қуйилади. Аввалдан қизитиб олинган духовкада 20-25 дақиқа пиширамиз. Аммо пирог тайёр бўлганини у қизарганда, гугурт чўпи билан текшириб оламиз. Тайёр бўлган ширинлигимизни дастурхонга музқаймоқ билан тортиқ этиш мумкин.

Қовундан ва тарвуздан тайёрланадиган мазали рецептлар билан ҳам сайтимизда танишинг. 



 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.

пирог, шарлотка, пишириқ, рецептлар, мевали