Шоколадни ўрнини босадиган ширинликлар

Ёз мавсумига тайёргарлик кўриш вақти келди. Ортиқча вазн йиғилишига асосий сабабчилардан бири бўлган ширинликлар ичида энг талабгири – бу сўзсиз шоколад. Шоколаддан воз кечиши қийин бўлганлар учун бемалол унинг ўрнини босадиган ширинликлар ҳақида маълумот тўпладик.

1. Авокадо, какао ва асалдан тайёрланган «Нутелла»

Пишган авокадонинг текстураси крем сифат бўлиб, у ҳар қандай соусга мукаммал асос бўла олади. Блендерда авокадо,  бир-икки қошиқ какао ва асални яхшилаб аралаштириб, сўнг 20 дақиқага совутгичга қўйилса, шоколад пасталарини ўрнини бемалол боса оладиган ширинлик тайёр бўлади.
 

2. Қуритилган олхўри, фундук, кунжут ва артишок қиёмидан тайёрланган ширинлик

Мазкур ширинлик асоси учун хоҳлаган қуруқ мевадан фойдаланишингиз мумкин. Таъбга кўра ёнғоқнинг исталган туридан ҳам қўшса бўлади. Ширинликни тайёрлаш учун масаллиқлар блендер ёрдамида майдаланади ва дидга қараб шакл берилади.
 

3. Эрон хурмоси, какао, кешью ёнғоғи ва сули ёрмасидан тайёрланган батончалар

Эрон хурмоси фойдали ширинлик тайёрлаш учун энг мукаммал масаллиқлардан бири саналади. Шунингдек, унинг текстураси етарли даражада ёпишқоқ бўлиб, шаклни яхши сақлайди. Бундай батончаларни тайёрлаш учун барча масаллиқлар блендерда аралаштирилиб, газ печида 10-15 дақиқа пишириб олинади. Тайёр ширинлик батонча шаклида ксиб чиқилади ва совутилади.
 

4. Кокос сути, асал, банан, Эрон хурмоси ва какаодан тайёрланган милк-шейк

Мазкур ичимлик одатий шоколадли коктейлга ўхшаб кетади, лекин  унинг таркибида фақатгина фойдали маҳсулотлар бор. Барча масаллиқларни блендерда аралаштириб, устидан майдаланган кокос мевасидан сепамиз.
 

5. Эрон хурмоси, авокадо ва какаодан музқаймоқ

Тез орада жазирама кунлар бошланади. Музқаймоқ мавсуми бошланиши табиий ҳол. Энг яхшиси мазкур ширинликни уй шароитида, табиий маҳсулотлардан тайёрлашдир. Юқорида кўрсатилган масаллиқларни блендерда аралаштириб, қолипларга қуямиз. Музлатгичга 4-5 соатга жойлаймиз. Қарабсизки ҳам фойдали, ҳам мазали десерт тайёр!
 

6. Творог, асал ва какаодан фойдали «баунти»

Машҳур батончикнинг фойдали маҳсулотлардан тайёрланган шакли. Творог, кокос кукуни ва асал аралаштирилиб, батонча шакли берилади ва совутгичга қўйилади. Алоҳида асал ва какаодан глазурь тайёрланади ва батончаларни глазурга ботириб олиб, 5-10 дақиқага музлатгичга қўйилади.
 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.