Тошкент мода ҳафталиги; 3 кун тафсилотлари

Тошкент мода ҳафталигининг учинчи кун дастури ёрқин воқеаларга бой бўлди. Шу куни, Италиянинг иккита етакчи дизайнерлари Roberto Parolini ва Lucia Zardini.дан маҳорат дарслари, Милан Политехника Университети профессори Lorenzo Morgani.дан семинар-тренинг, ҳамда энг машҳур ва муваффкқиятли ўзбек дизайнерларининг муаллифлик намойишлари бўлиб ўтди.


Кун, Италия мода оламининг усталари томонидан ўтказилган моҳорат дарси билан бошланди. Унга ҳафталик иштирокчилари, талабалар ташриф буюришди ва ўзлари ҳар бир намойишга қандай тарзда тайёргарлик ишлари олиб борилиши, яъни 29 ноябрда итальян ва ўзбек дизайнерларидан бўлиб ўтадиган Гала-дефиле учун бўлган ёпиқ кастинг жараёнини кузатдилар.    

Кейинги тадбир Милан Политехника Университети профессори Lorenzo Morgani томонидан ўтказилган семинар-тренинг билан давом этди. Профессор ўз маърузасида янги бутик-отель тушунчаси ҳақида ва кўпгина бошқа қизиқарли маълумотлар тўғрисида сўзлади. 
Ундан кейин эса, кунни юртимизнинг кўзга кўринган 3 нафар дизайнерлари тўпламлари намойиши билан якунланди.

Биринчи намойиш Дилноза Эркинова, Dilnoz бренди муаллифидан тақдим этилди. Тўплам Баҳор-ёз “Шарқ эртаклари” деб номланган. Дилноза Эркинованинг тўпламлари ўзида барчага маълум бўлган Шарқ маданияти нозик жиҳатларини ўзида акс эттирган. Муаллифнинг моделлари машҳур зардўзлик усуллари-зардўзи-гулдўзи вазардўзи-заминдўзи бўйича қўлда тайёрланган. 


"Бугунги намойиш мен учун муҳим аҳамиятга эга дейди, - Дилноза Эркинова, Dilnoz бренди муаллифи. – Бу менинг биринчи муаллифлик ишим бўлиб, тўпламим “Шарқ эртаклари” деб номланади.  У 50та либосдан иборат ва ҳар бири қўл иши.  Матолардан духоба, шойи, шифон ишлатилган.  Бу тўплам ўзига ишонган омадли аёллар учун". 


Иккинчи намойиш Малика Иргашева - Nur бренди муаллифидан тақдим этилди. Ёш дизайнер Малика Иргашевадан оналар ва қизалоқлар учун куз-қиш 2015-16 тўпламини намойиг этди. Онажонлар ва қизалоқлар учун жуфтликдаги экологик тоза кийимларни яратиш бўйича машҳур тренд, дизайнер асосий ғоясини ташкил қилади.  Дизайнер намойиш учун ёғоч тугмача ва сопол-чинни тўғноғичлардан фойдаланган. 


"Дизайнер Малика Иргашева: - Гап шундаки, мен ўзим икки қизнинг онасиман ва қизалоқларим мени онажонлар ва қизалоқлар учун либсолар тўпламини яратишга илҳомлантирдилар. Мен фақатгина экологик тоза матоларни, яъни пахта, лен, сатинларни маъқул кўраман. Ҳа айтганча, матоларни ҳам ўзимиз ишлаб чиқарамиз". 

Сўнгги намойиш Anor бренди муаллифи Дилноза Умирзақовадан тақдим этилди. Бренд юртимизда уч йилдан буён фаолият юритиб келади. 
Истеъдодли дизайнернинг айтишича: - "Мени қадимги Хоразмнинг бой тарихи илхомлантирди. Бу куни ўз ишим ҳақида билдирилган илиқ сўзларни эшитиш жуда ҳам ёқимли. Бундай вақтларда ишларинг бекорга қилинмаганлигини англаш жуда ҳам ёқимли". 

Шу алфозда Тошкент мода ҳафталигининг учинчи куни ўз ниҳоясига етди. Бизни кузатишда давом этинг, ҳафталикнинг кейинги кун тафсилотлари албатта сайтимизда.  

Бу ерда эса учинчи кундан тўлиқ фотоҳисоботни кўришингиз мумкин.