Эр бермоқ, жон бермоқ-2: Онлайн фильми ҳақида

Режиссёр Рустам Саъдиевнинг навбатдаги «Эр бермоқ, жон бермоқ-2: Онлайн» номли комедик жанрдаги картинаси кузнинг биринчи ойларида катта экранларга чиқиши режалаштирилган. 

Ҳар бир фильми катта шов-шувларга сабаб бўладиган режиссёр Рустам Саъдиев, катта муваффақиятга эришган «Барон» фильмидан сўнг, «Эр бермоқ, жон бермоқ-2: Онлайн» деб номланган комедиявий мелодрама жанридаги фильми устида иш бошлаган эди. Режиссёр мазкур фильмнинг съёмка жараёнларини якунлаш арафасида.

Сайтимиз суратга олиш майдонида меҳмон бўлиб, режиссёрдан фильм билан боғлиқ саволларга жавоб олди ва жараённи суратларга мухрлади.

- Актириса Дилноза Кубаева сўнгги вақтларда фақат сизнинг фильмларингизда суратга тушмоқда. «Барон»дан сўнг айни кунларда суратга олаётган фильмингиз, «Эр бермоқ жон бермоқ-2: Онлайн» картинангиздан бошқа киноларда суратга тушмади. Актириса интервьюларидан бирида яхши сценарий учрамаётганидан нолинганди, демак фильм сценарийси ўзига хос.

Бу сценарий нафақат маъқул бўлган, балки Дилноза Кубаева учун ёзилган десак ҳам бўлади. Дилноза Кубаева мени ярим сўзимдан нима хохлашимни, қандай ижро кутаётганимни билади. Мен ҳам уни жуда яхши тушунаман. Ҳар битта актёр, актриса борки ўзига хос, ўзини руҳиятига мос келадиган ролларни гавдалантиришни хохлайди. Дилноза билан жуда кўп ҳамкорлик қилганимиз учун уни дунёқараши, актрисалик маҳорати, дидини ҳисобга олган ҳолда, Шоира Ғиёсова билан биргаликда сценарий ёзганмиз. Ўйлайманки, ушбу фильм бугунги кундаги долзарб муаммолардан бирини кўтарган. Фильм жанри комедиявий мелодрама бўлиб, жамиятимизда катта ўзгаришлар бўлаётган бир вақтда кимдир яхши томонга, кимдир салбий томонга ўзгариб қолиши мумкин. Умуман аёлларимиз, қизларимиз интернетнинг салбий таъсири орқали, қўпол қилиб айтганда енгил ҳаётга учиб, ёнидаги боридан ҳам маҳрум бўлмасин деган ғояни асос қилиб олганмиз.

 

 

 

 

 

- Актёрлар жамоасида кимлар бор?

Фильмда Муҳаммадисо Абдулхайиров, Элёр Махкамов, Дилноза Кубаева, Дилноза Умарова, Адиз Ражабов, Шахло Темирова, Ўзбекистон халқ артисти Марям Ихтиёрова, Муножат Алимбоева, Шахло Хожиева, Абдулхаким Тоштемиров сингари актёр ва актирисалар жамоаси йиғилган.

 

 

 

 

 

 

- Онлайн деган сўздан тушунишимизча фильмда интернет ҳақида ҳам сўз боради, шундайми?

Ҳа, албатта.

 

 

 

 

- Фильмнинг тасвирга олиш ишлари қачондан бошланган эди?

Съёмкани май ойининг охирида бошлаган бўлсак, деярли тугаш арафасида. 4-5 кунлик тасвирга олиш ишларидан сўнг съёмка жараёнлари ҳам якунланади.

 

 

 

 

 

- Фильм премьерасини қачонга мўлжаллагансиз?

Менимча фильм премьераси сентябрь ойининг охирларида бўлса керак.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.