«Ишқ» фильмининг тақдимотидан

Алишер Навоий номли кино саройида режиссёр Файзираҳмон Усмоновнинг «Ишқ» деб номланган фильмнинг тақдимоти бўлиб ўтди.

Тақдимотда Шахриёр, Шерзодбек, Жамила Ғофурова, Ҳабибулла Низомов, Азамат Ахроров сингари мусиқа ва кино оламининг машҳур вакилларини кўришимиз мумкин эди.

Премьерани «Имкон шоу» телелойиҳаси бошловчиси Ахрор Қўшматов олиб борди.

Қизил йўлакчада актриса Жамила Ғофурова журналистларнинг «Фильм ҳақида нима дейсиз, нима учун фильм номи айнан «Ишқ» деб номланди?», мазмунидаги саволига қуйидагича жавоб берди:

- Аввало барча мухлисларга қимматли вақтларини аямасдан, фильм намойишига келганликлари учун миннатдорчилик билдираман. Бу фильм Файзираҳмон Усмоновнинг режиссёр сифатида илк фильми бўлиб, уни жуда ҳам яхши фильм бўлган дея бемалол айта оламан. Менимча нима сабабдан фильм номи айнан «Ишқ» деб номланганини яқин дақиқаларда мухлисларимизнинг ўзлари, фильмни кўриб, билиб олишгани яхши деб ўйлайман.

Тақдимотга ташриф буюрган Шаҳриёрга эса «Фильмни қандай тассаввур қилаяпсиз, бугунги кундаги бошқа фильмлар сингари бир хил мавзуда деб ўйлайсизми ёки бошқача тассаввурдамисиз?», деган саволга реппер қуйидаги жавобни берди:

-Фильм муваффақиятига, режиссёрига ва ижодий жамоага ишонаман. Ўйлайманки фильм томошабинлар эътиборини қозониб, анча вақт кино сарой кассаларидан тушмайди.

Фильм режиссёри Файзираҳмон Усмонов сўзга чиқиб, фильм ҳақида, унинг суратга олиш жараёнлари ҳақида қисқача гапириб, мухлисларга ёқимли томоша тилади.

Шаҳриёр реппер ҳамда хонанда Шерзодбек ўзларининг мусиқий табрикларини йўллашди.

Мазкур фильм Файзираҳмон Усмоновнинг илк фильми бўлишига қарамасдан мухлислар уни яхши кутиб олишди.

Фильм 2 ноябрдан бошлаб юртмизнинг барча кино театрларида намойиш қилина бошлайди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.