«Мирзо Улуғбек. Осмон тоқига қўйилган нарвон»

Шарқнинг буюк мутафаккири ва Мовароуннаҳр ҳукмдори Мирзо Улуғбек ҳаёти ва илмий мероси ҳақида ҳикоя қилувчи «Мирзо Улуғбек. Осмон тоқига қўйилган нарвон» ҳужжатли фильмининг тақдимоти бўлиб ўтди.

Ушбу фильм Каримов Фондининг рахбари Лола Каримова-Тилляева ва унинг турмуш ўртоғи Тимур Тилляевнинг продюсерлиги остида суратга олинган.

Мазкур кинокартина 2017 йилда 74-чи Халқаро Венеция кинофестивалида «Энг яхши хорижий ҳужжатли фильм» номинациясида нуфузли «Кинео» мукофотига сазовор бўлган, Италиянинг Искья оролида бўлиб ўтган халқаро кинофестивалда эса «Энг яхши ҳужжатли фильм» номинациясида ғолибликни қўлга киритган.

Режиссёр Баҳодир Йўлдошев томонидан суратга олинган фильмда Венсан Кассель, Арманд Ассанте, Франсиско Овалле каби дунёга машҳур санъаткорлар, шунингдек, Маъруф Отажонов, Жавоҳир Зокиров, Ҳошим Арслонов сингари ўзбекистонлик таниқли актёрлар роль ижро этган.

Фильм учун махсус мусиқа Уолтер Афанасьев томонидан ёзилган. Севара Назархон ижросидаги саундтрек эса фильмга ўзгача жозиба бахш этган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.