«Нотаниш қотил» тез кунда катта экранларда

15 сентябр куни Алишер Навоий номли кино саройида режиссёр Азамат Ахроровнинг «Нотаниш қотил» деб номланган фильмининг премьераси бўлиб ўтади. Катта экранларда эса 16 сентябрдан.

 Фильм ҳақида батафсил маълумот олиш учун фильм режиссёри Азамат Ахроровга қуйидаги савол билан мурожаат қилдик.

- «Нотаниш қотил» фильмининг қисқа трейлери жуда ҳам ажойиб, айни пайтда жуда ҳам ваҳимали фильм эканлигидан далолат беради. Эътиборимизни тортгани трейлернинг бошига 16+ дея ёзиб қўйилгани бўлди. 16 ёшдан кичик бўлган томошабинларга фильмни кўриш учун руҳсат берилмайдими? Умуман фильм ҳақида қисқача маълумот берсангиз.

«Нотаниш қотил» фильми ижодимдаги энг кўп вақт, куч ва маблағ сарфланган фильм. Фильм бошланишида, қисқа трейлерларида 16 ёшдан бошлаб кўриш мумкин дея ёзганимизнинг сабаби, фильмда жуда ҳам кўп қўрқинчли жанг саҳналари, эфектлар бор. Фильм гиёҳвандликка қарши кураш, ушбу йўлдаги сай ҳаракатлар ва укасининг қасосини оладиган ака ҳақида. Нотаниш қотил фильми ҳақиқий эркаклар кўрадиган, хулоса чиқарадиган фильм бўлган деб ўйлайман. Нима бўлган тақдирда ҳам ҳаққоний баҳони томошабинимиз беришади.

Фильмда бош ролларни Азамат Ахроров, Шаҳзода Муҳаммедова, Алихан, Беҳзод Тожиев, Бахтиёр Мусулмонов, Анвар Азимов, Элбек Файзиев, Шаҳбоз Тошбадалов сингари актёр ва актирисалар ижро қилишган.

Фильм ижодкорлари:

Постановкачи режиссёр: Азамат Ахроров

Постановкачи оператор: Бахром Бердиев

Сценарий муаллифи: Ахрор Нурмухаммад

Бастакор: Jahongir.uz

Постановкаси рассом: Умида Ирматова

Шунингдек, мазкур фильмга саундтрекни ўзбек реп юлдузи Шохрух репер куйлаган бўлиб, қўшиқ ҳам тез кунда мухлислар ҳукмига тақдим этилади. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.