Ўзбекистонлик Далер Юсуф Малазия сериалида

Малайзияда муваффақиятли равишда моделлик карьерасини фаолият олиб бораётган  Ўзбекистонлик Далер Юсуф (Хамроқулов) HyppTv телеканалида Lip Lap Raya (Lip Lap қироллиги) сериалида бош ролни ижро этмоқда.

Далерга ўтган йили Малайзия телевидениесида суратга олинган ситкомда иштирок этиш таклиф этилган бўлиб, кейин эса мазкур сериалда бош ролни ижро этиш таклифи келиб тушган. Эндиликда Далер Lip Lap Raya (Lip Lap қироллиги) сериали бош қаҳрамон роли ижрочиси.

Сериал сюжети ёш йигитнинг тақдири ҳақида бўлиб, унда онаси вафотидан сўнг оиласини ахтариб Ўзбекистондан Малайзияга йўл олган Адам исмли йигит ҳаёти ҳикоя қилинади.

Далер Ўзбекистон, Сингапур, Филиппин, Индонезия, Таиланд, Малайзияда муваффақиятли тарзда модель бизнеси билан шуғулланган.

Шунингдек, BlackBerry, Burger King ва Samsung каби брендлар реклама кампанияларида иш олиб борган.

Далер Ўзбекистонни 19 ёшида тарк этган. У интервьюларидан бирида онаси тарафдан узоқ қариндошлик ришталари Малайзияда эканлигини билдирган.

Далер малай тилини аста-секинлик билан мустақил равишда ўргана бошлаган бўлиб, 2015 йилда эса Unisel университетига ўқишга кирган.

Сериалдаги съёмка ишларидан сўнг актёр Греция, Санторини ва Великобританияга янги лойиҳаларда иштирок этиш учун йўл олишни режалаштирган.
 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.