«Ваҳший» фильми катта экранларда

Ҳар йили баҳор ойи концертлар, кинопремьераларга бой бўлади. Шу сабаблими экран юзини яна бир янги фильм кўрди. 11 май куни Алишер Навоий номидаги кино саройда «Ваҳший» номли фильм премьераси бўлиб ўтди. Фильм ёш кинорежиссёр Озод Шамс томонидан тақдим этилган бўлиб, мазкур картинада бош ролга машҳур ўзбек актрисалардан бири Асал Шодиева таклиф этилган. 

Шунингдек ўқинг: «Кўз ёшим 2» фильми томошабинлар ҳукмида

Шунингдек, фильмда Шоҳида Исмоилова, Хамид Тошпўлатов, Жамила Ғофурова, Азиз Раметов, Сулаймон Искандаров, Мираброр Мирхалилов каби актёрлар ижросини кузатиш мумкин. 

Фильм продюсери Руслан Мирзаев, постановкачи оператор Анвар Одилов, бастакор Фаррух Собиров. Фильм учун хонанда Шохруҳхон «Йиғлама» номли саундтрек ижро этган. 

Демак, мухлис ҳукмида яна бир ўзбек фильми. Кўриб, унга одил баҳо бериш эса томошабиндан. Мазкур картина пойтахтимиз кинотеатрларида 12 майдан намойиш этилади.

 

 

 

 

 

 

 

 

 

 

 

 

 

 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.