Машҳурларимиз ўтган ҳафтада нима билан банд бўлишди

Бугун одатдагидек таниқлиларимизнинг инстагарам саҳифаларига назар ташлаймиз ва уларнинг ўтган ҳафтада нималар билан машғул бўлганликларини билиб оламиз. Демак, қуйида ўтган ҳафтада ким нима билан банд бўлди.

Шаҳзода

Шу кунгача Instagram ва Twitter ижтимоий тармоқлари орқали ҳаёти ва ижодидаги янгиликлар билан бўлишаётган мафтункор Шаҳзода мухлисларига эндиликда Facebook ижтимоий тармоғи орқали ҳам алоқа қилиш имкони яратилганини маълум қилди ва шахсий саҳифаси билан бўлишди. 

Гулсанам Мамазоитова

Ўзбекистон Халқ артисти Гулсанам Мамазоитова қўшни мамлакатларда ўзбек санъатини танитишдек фаҳрли иш билан банд. Мамазоитова кўпгина санъаткорларимиз билан бир қаторда ўтган ҳафтада Остона шаҳрида бўлиб ўтган Ўзбекистон миллий кунида ўз санъатини намоён қилди. Орадан бир неча кун ўтиб эса, ҳамкасби Юлдуз Турдиева билан Москва шаҳрига йўл олди.

Зиёда

Хонандаларимиз Зиёда, Шаҳзода ва Улуғбек Раҳматуллаевлар ҳам Гулсанам Мамазоитова билан бир қаторда Остонада бўлиб ўтган тадбирда жонбозлик кўрсатдилар. Тадбирга ташриф буюрганлар юлдузларимизнинг хит тароналаридан баҳраманд бўлиш имконига эга бўлдилар. 

Манзура

Эстрадамизда ўзига хос йўналишга эга хонандалардан бири Манзура ўтган ҳафтада Самарқандда меҳмон бўлди. Хонанда кўҳна Самарқандда хизматда бўлиб, тўй тадбирида меҳмонларни хушнуд этди.

Юлдуз Ражабова

Актриса Юлдуз Ражабова давлат тадбирларида жуда фаол. Ўтган ҳафтада актриса йилнинг энг ёрқин ва катта лойиҳаларидан бири «O’zbegim» Миллий қадриятлар фестивалида иштирок этди. Тадбирда актриса жонли тарзда эфирга узатилаётган кўрсатувда бошловчилик қилди. 

Райҳон

Хонанда Райҳон дам олиш кунларини оиласи даврасида ўтказди. Эгизак фарзандлари Ислом ва Имроннинг тарбиясига катта эътибор қаратадиган ёш она улар билан биргаликда ривожлантирувчи дарсларда қатнашди. 

Сардор Раҳимхон

Сардор Раҳимхон ўзининг фотостудиясини очди. ROOMS ART деб номланган фотостудия очилишида хонанданинг деярли барча яқинлари қатнашди. Санъаткор инстаграмдаги шахсий саҳифаси орқали очилиш маросимига ташриф буюрган барча дўстларига миннатдорчилик билдирди.

Алишер Узоқов

Серқирра ижодкор Алишер Узоқов The Cover up 2 лойиҳасига кастингни бошлаб юборди. Бу ҳақда ўзининг инстаграмдаги шахсий саҳифасида эълон қилиб, иштирокчиларга омад тилаб қолди.

Халимахон

Актриса ва қизиқчи Халимахон BABOS от спорти клубига ташриф буюрди. У ерда ёшлар ўртасида от миниш бўйича мусобақа бўлиб ўтди. Актриса от спортига бўлган қизиқиши ортиб бораётгани ҳақида маълум қилган. 

Шерзодбек

Хонанда Шерзодбек ҳам кўпгина ҳамкасблари сингари «O’zbegim» Миллий қадриятлар фестивалида иштирок этди. У ўзининг инстаграмдаги саҳифасига актёр Акбархўжа Расулов билан тушган суратини жойлаб, унга бўлган ҳурматини таъкидлаб ўтган ҳамда бутун ўзбек халқини Гиннес Рекордлар китобига киритилган энг катта палов билан табриклаган. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.