Юлдузларимиз ўтган ҳафтада нима билан банд эдилар

Бугун одатдагидек таниқлиларимизнинг инстагарам саҳифаларига назар ташлаймиз ва уларнинг ўтган ҳафтада нималар билан машғул бўлганликларини билиб оламиз. Демак, қуйида ўтган ҳафтада ким нима билан банд бўлди.

Шаҳзода

Хонанда Шаҳзода ўзининг инстаграмдаги шахсий саҳифасида студиядан фотосурат жойлаб, янги қўшиқ ёзиб тугатилгани ҳақида хабар берди. Бу дегани, хонанданинг мухлислари тез орада ўз кумирларидан янги ижодий туҳфани қарши оладилар. 

Мадина Мумтоз

Серқирра ижодкор Мадина Мумтоз «Мумтоз наволар» телелойиҳаси суратга олиш майдончасидан фотосурат юклаган. 

Обид Асомов

Сўз устаси Обид Асомов «Ширчой» кўрсатувининг меҳмони бўлиб, ҳаттоки битта салат ҳам тайёрлаб берганликларини инстаграмдаги шахсий саҳифалари орқали маълум қилганлар.

Азиз Раметов

Актёр, режиссёр ҳамда хонанда Азиз Раметов ўтган ҳафта пойтахтимизда бўлиб ўтган Россия киноси ҳафталигининг ёпилиш маросимида қатнашиб, киноижодкорлар қуршовида тушган сурати билан бўлишган. 

Муниса Ризаева

Ширали овоз эгаси, хонанда Муниса Ризаева ўтган ҳафтада ўз таваллуд айёмин нишонлади. Хонандани табриклаш учун унинг барча яқинлари ташриф буюрган.

Халимахоним

Сўз устаси ва актриса Халимахоним ҳам кўпгина ҳамкасблари қатори таниқли хонанда Муниса Ризаеванинг таваллуд айёмига бағишланган кечага ташриф буюрган. 

Сарвар Азимов

«Беном» гуруҳи вакили Сарвар Азимов ўзининг инстаграмдаги шахсий саҳифасида тез орада янги концерт дастурининг кунлари эълон қилиниши ҳақидаги хабарни қолдирган.

Райҳон ва Шаҳзода Муҳаммедова

Ўзбекистонда хизмат кўрсатган артист Райҳон Ғаниева ва серқирра ижодкор Шаҳзода Муҳаммедова Zo'r tv каналининг «Премьера» лойиҳасида меҳмон бўлдилар. 

Баҳром Назаров

Хушовоз хонанда Баҳром Назаров бир қатор ҳамкасблари сингари меҳнаткаш халқимиз вакиллари - пахтакорларимизни қўллқб-қувватлаш мақсадида пахтазорга ташриф буюрди ва теримчиларни ўзининг дилкаш қўшиқлари билан хушнуд этди. 

Умидахон

Хушовоз хонанда Умидахон ўзининг ижтимоий тармоқдаги шахсий саҳифасида Ўзбекистонда хизмат кўрсатган артист Абдурашид Йўлдошев билан бирга тушган суратини жойлаб, халқ хизматида ўзининг севимли санъаткорларидан бири билан бирга халқ хизматида эканлиги ҳақида хабар қолдирган.  

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.