Жаҳон чемпонатига ташриф буюрган дунё машҳурлари
Россия Федерацияси президенти Владимир Путин «Лужники» стадионида чемпионатнинг финал босқичини томоша қилди ва тақдирлаш маросимида қатнашди.
Чемпионатнинг ёпилиш маросимидан сўнг Путин 2018 йилги жаҳон чемпионати рамзи туширилган оқ-қизил тўпни 2022 йилда ЖЧ’га мезбонлик қиладиган Қатар амирига топширди.
Таниқли модель Наталья Водянова ҳам меҳмонлар рўйхатидан ўрин олди. У футбол томоша қилишдан ташқари Чемпионатнинг бош совринини стадионга олиб чиқилишида ҳам қатнашди.
ЧМ-2018да давлат лидерларини ҳам кўриш мумкин бўлди. Хусусан финалда ғолибликни қўлга киритган Франция президенти Эммануэль Макрон матчни бевосита стадионда рақиб давлат президенти Колинда Грабар-Китарович билан биргаликда томоша қилди.
Машҳур Болливуд актёрлари Амитабх Баччан ва унинг ўғли Абхишек Баччан ҳам чемпионатни стадиондан туриб кузатдилар.
Чемпионатдаги таниқлилар рўйхатидан машҳур хонанда ва Голливуд актёри Уилл Смит ҳам ўрин олди. У нафақат футбол томоша қилди, балки чемпионат якунидага матбуот анжуманида ҳам иштирок этди.
Чемпионат вақтида стадионда UFC бўйича собиқ чемпион, ирландиялик Конор Макгрегор ҳам кўзга ташланди. 30 ёшли спортсмен нафақат трибунадан ўйинни томоша қилди, балки шахсан Владимир Путин билан суратга тушиш имконияга ҳам эга бўлди.
Чемпионатга ташриф буюрган таниқли спортчилардан яна бири Хабиб Нурмагомедов.
Турк кино юлдузлари Сечкин Ўздемир, Каан Урганжиўғлу, Сарп Жан Кўрўғлу, Бора Женгиз, Керем Бурсинларнинг ташрифи россиялик мухлислар орасида катта шов-шувларга сабаб бўлди. Маълумотларга қараганда актёрларнинг мухлислари ҳаттоки тинчгина тамадди қилишга ҳам қўймаганлар.
Каан Урганжиўғлу
Бора Женгиз
Керем Бурсин
Сарп Жан Кўрўғлу
Филипп Киркоров ҳам четда қолмади. У Хорватияни қўллаб-қувватлаб, финалда уларнинг ғалабасини башорат қилган эди, аммо афсуски, унинг тахмини нотўғри чиқди.
Францияга мухлислик қилган таниқли телебошловчи Тина Канделаки Филипп Киркоров Хорватияни қўллаб-қувватлагани учун уни “вақтинчалик душман” деб эълон қилди.
Ҳамюртимиз Даврон Кабулов ҳам чемпионатни бевосита стадиондан томоша қилган футбол мухлисларидан.
Маълумот ўрнида, футбол бўйича навбатдаги Жаҳон чемпионати 2022 йилнинг 21 ноябридан 18 декабрига қадар Қатарда бўлиб ўтади.
ИЗОҲЛАР 0