Тошкент мода ҳафталиги-2016 кундалиги

Пойтахтимизда куз фаслининг гўзал ва узоқ кутилган воқеаси – Тошкент мода ҳафталиги-2016 22 ноябрь куни ўз ишини бошлади. Ҳафталик 27 ноябрга қадар давом этади. Мода ҳафталиги доирасида кўпгина ёрқин тадбирлар, хориж ва маҳаллий дизайнерлардан намойишлар бўлиб ўтади. Мода ҳафталиги доирасидаги барча тадбирлар ва ёрқин дефилелар ҳақида мазкур кундалигимизда танишиб боринг. 

Ҳафталикнинг тўртинчи кунида Хитой, Ўзбекистон, Италиянинг дизайнерларидан муаллифлик либослар намойиши бўлиб ўтади: улар  Xie Jiaqi (Хитой)-12:00да, Wu Chuanbao (Хитой)-15:00да, Люба Султанова, Дина Сайфи (Ўзбекистон)-18:00, Maurizio Pecararo (Италия)-20:00да. Намойишлар Ёшлар ижод саройида.

***

Мода ҳафталигининг учинчи куни, яъни 24 ноябрда дизайнерлар Дилноз Эркинова ва Дилноза Умурзоқоваларнинг муаллифлик либослари намойиши Ёшлар ижод саройида соат 18:00 ва 20:00да бўлиб ўтади. 

***

Ёшлар ижод саройида #beyoung Ўзбекистон ёш дизайнерлари ёрқин шоу дефилесининг биринчи қисми бўлиб ўтди. Унда 23та либослар тўплами тақдим этилди. Мазкур ёшлар намойишида 76та ёш дизайнерлар иштирок этган. 

***

Бугун, 23 ноябр куни Ёшлар ижод саройида #beyoung-ёш дизайнерлар дефилеси соат 16:00 ва 19:00да бўлиб ўтади. #beyoung дефелисида ёш дизайнерлар ва ўқув юртлари талабалари иштирок этдилар. Ушбу намойиш ёш истеъдод эгаларини ва янги номларни кашф қилиш учун истиқболли имкониятдир.

***

22 ноябрь куни Ёшлар ижод саройида Тошкент мода ҳафталиги ўз ишини бошлади. Унда анъанавий ўзбек либослари намойиши бўлиб ўтди. Очилиш маросим тафсилотлари ҳақида бу ерда ўқинг.

Tashkent Fashion Week 2016 тўлиқ тадбирлар дастури.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.