23 ва 25 ёшли йигитлар раҳбар лавозимга тайинланди

Ўзбек тилида сўзлашадиган роботни ихтиро этган 25 ёшли Олим Тўйчиев, Президент Шавкат Мирзиёевнинг тавсияси билан Ўзбекистон Республикаси Фан ва технологиялар агентлиги бош директорининг ўринбосари лавозимига тайинланди. Мазкур хабар агентликнинг сайтида эълон қилинган. 

Тўйчийев Олимжон Алижонович эндиликда Агентликдаги Технологиялар тренсферини ташкил қилиш ва инновация ярмаркаларини ўтказиш, Халқаро илмий-техник ҳамкорликни ривожлантириш, Ахборот-коммуникация технологиялари ва Олий таълимдан кейинги таълим тизими бўлимлари фаолиятини мувофиқлаштиради. Шу Тўйчиев Тошкент шаҳридаги Турин политехника университети магистратура босқичида таҳсил олиб келаётган эди.

Ўзбекистон президенти Шавкат Мирзиёев шу вақтгача Тошкент шаҳридаги Result ўқув маркази раҳбари сифатида фаолият кўрсатиб келаётганган 23 ёшли йигит Алишер Саъдуллаевни Халқ таълими вазирига ўринбосар этиб тайинлади. Мазкур қарор, 30 июнь куни Тошкент шаҳридаги Симпозиумлар саройида бўлиб ўтган «Камолот» ёшлар ижтимоий ҳаракатининг навбатдаги Қурултойи вақтида Президент томонидан қабул қилинган бўлиб, Алишер Саъдуллаев Халқ таълими вазирининг ёшлар масалалари бўйича ўринбосари этиб тайинланган.

Алишер Саъдуллаев - 1994 йилнинг 11 июлида Жиззах вилоятининг Жиззах туманида туғилган. Тошкент шаҳридаги Сингапур менежментни ривожлантириш институтини тамомлаган, кейинроқ Буюк Британияда таҳсил олган. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.