Байрам мушаклари отиладиган масканлар

Мустақиллик байрами муносабати билан Тошкент шаҳридаги боғ ва хиёбонларда байрам тадбирлари бўлиб ўтади. 

1 сентябрь куни кеч соат 21.00дан 21.16гача байрам салюти амалга оширилади. 

Байрам мушакларини томоша қилиш истагида бўлганлар учун махсус автобус қатновлари йўлга қўйилади.
 
Махсус бепул жамоат транспортлари яъни автобусларнинг ҳаракати йўлга қўйиладиган кўчалар:
 

• Бобур кўчасининг Шота Руставели кўчасидан Шаршара кўчасигача бўлган қисмида; 
• Ислом Каримов кўчасининг Олмазор кўчасидан Фурқат кўчасигача бўлган қисмида; 
• Қоратош кўчасининг Самарқанд дарвоза кўчасидан Бунёдкор кўчасигача бўлган қисмида; 
• Фурқат кўчасининг Навоий кўчасидан Ислом Каримов кўчасигача бўлган қисмида.

Шунингдек, мушакбозликни пойтахтдаги 11 та маданият ва истироҳат боғларидан томоша қилиш мумкин бўлади. 

Булар: Ғафур Ғулом, Абдулла Қодирий, Бобур, Мирзо Улуғбек ва Фурқат номидаги ҳамда «Локомотив-Анҳор», «Ашхобод», «Қуёшча нури», «Боғишамол», «Дўстлик» ва Green Park боғлари, Тошкент ҳайвонот боғи, шунингдек Mega Planet савдо-кўнгилочар мажмуаси ҳамда Республика Байналмилал маданият маркази олдидаги майдонлар.
 
Бу масканларда 1-4 сентябрь кунлари халқ байрам сайллари ҳам ўтказилади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.