Дилсўз учинчи бор она бўлди

Дилсўз тахаллуси билан ижод қиладиган хонанда Гўзал Жуманиёзова яна бир бор оналик бахтига муяссар бўлди. Хонанда оиласида ўғил фарзанд дунёга келди. Бу ҳақда унинг маъмури инстаграм тармоғидаги шахсий саҳифасида маълум қилди.

Хонанда Дилсўз ва Фарруҳ Раимов куни кеча дунёга келган фарзандларига Муҳаммад Салаҳ исмини бердилар.

Дилсўз 2015 йилда ўз ҳамкасби, хонанда Фарруҳ Раимов билан турмуш қурган. Уларнинг никоҳ тўйлари 15 апрель санасида Навоийда, 21 апрель куни Тошкентда бўлиб ўтган эди. 2015 йилнинг 18 октябрида уларнинг тўнғич фарзанди дунёга келган бўлиб, улар қизалоқларига Дилсўз деб исм қўйганлар. 2017 йилнинг сентябрь ойида уларнинг оиласи яна бир қизалоқ билан кўпайди.

Фурсатдан фойдаланиб, Дилсўз ва Фарруҳни яна бир бор ота-оналик бахтига муяссар бўлганликлари билан табриклаймиз!

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.