«Элпарвар» фильмининг премьера куни маълум бўлди

Режиссёр Абдувоҳид Ғаниев томонидан суратга олинган «Элпарвар» тарихий фильмининг премьера куни маълум қилинди.

Суратга олиш ишлари Бухоро ва Хива шаҳарлари ҳамда Тошкент вилоятида бўлиб ўтган фильмда бош ролларни ёш актёр Абдуғофур Исаханов ҳамда актриса Феруза Юсуповалар ижро этишган.

Шунингдек, фильмда Ўзбекистон халқ артисти Муҳаммад Рафиков, Шафоат Раҳматуллаева, Ўзбекистонда хизмат кўрсатган артист Фотиҳ Жалолов, Тоҳир Саидов, Сейдулла Молдаханов, Лола Элтоева, Фарҳод Абдуллаев, актёрлар Алишер Узоқов, Жамшид Сагатов, Турғун Бекназаров, Анжелика Эсимбетова, Азим Йўлдошев сингари актёр ва актрисалар ҳам суратга тушганлар.

Фильм премьераси 19 март куни Алишер Навоий номли кино саройида бўлиб ўтиши режалаштирилган.  «Элпарвар» фильмини 20 мартдан юртимизнинг барча кинотеатрларида томоша қилишингиз мумкин.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.