Коронавирус белгилари

Хитой шифокорлари коронавирус оқибатида келиб чиққан касаллик қандай давом этаётганини айтиб, кун ўтган сайин қандай аломатлар пайдо бўлишини аниқладилар.

1-4 кун. Мушак оғриғи, қуруқ йўтал, кўнгил айниши ва диарея билан кечадиган иситма.

5-6 кун. Нафас олиш қийинлашуви бошланиши.

7-кун. Нафас олиш муаммоларининг сезиларли даражада ошиши.

8-9 кун. Касаллик оғир кечаётган беморларда ўпканинг ҳаётий органларни кислород билан таъминлай олмаслиги.

10-11 кун. Бошқа аломатларга қорин оғриғининг қўшилиши.

12-кун. Беморлар тузалишни бошлайдилар, тана ҳароратининг пасайиши.

17-22 кун. Касалликдан сўнг тўлиқ тикланиш.

Шуни инобатга олиш керакки, касалликнинг биринчи аломатлари инфекция тушгандан кейин дарҳол пайдо бўлмайди. Одам аввалроқ инфекцияланган бўлиши, аммо беш ёки ундан кўп кун давомида касаллик белгилари сезилмаслиги мумкин.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.