Менинг армиям-менинг фахрим

"Ватан ҳимоячилари куни" байрамини нишонлаш доирасида Тошкент фотосуратлар уйида "Менинг армиям-менинг фахрим" деб номланган ижодий кўргазманинг тантанали очилиш маросими бўлиб ўтди.


Тадбир Мудофаа вазирлиги ва Ўзбекистон бадиий академияси томонидан ташкил эътилиб, ундан кўзланган мақсад - ватанпарварлик тимсоллари, Ватан ва унинг ҳимоячилари образлари, Қуролли кучлар, ҳарбий хизмат ва йигитлик бурчи тўғрисидаги тушунчаларни турли-туман бадиий ижодий йўналишлар орқали акс эттиришдан иборат.

Кўргазмадан жой олган энг яхши ижодий ишларнинг муаллифлари дипломлар ва пул мукофотлари, фахрий ёрлиқ ва совғалар билан тақдирландилар.