Ўзбек дизайнерларининг илк интернет дўкони ишга тушди

2 август куни  ўзбек дизайнерлари ва брендларига йўналтирилган La Tienda дўкони онлайн версиясини ишга туширди. 
Сайтда асосан ёш дизайнерларга оид 17та бренд такдим этилган.  Forever Young, Komo Design, Nur, Zari ва бошқалар бугунги кунда йигит-қизлар ва болалар учун мўлжалланган 200га яқин либос ва аксессуарларни таклиф қилмоқдалар. 

Лойиҳа асосчиларидан бири Бекзод Умаровнинг сўзларига кўра, ҳар бир тақдим этилган бренд  харид қилишдан аввал синчковлик билан текширувдан ўтказилади, шундан сўнггина мазкур бренд маҳсулоти сотиб олинади. Келгусида ассортимент ҳар ҳафта тўлдириб турилади. 

Либосларнинг нархлари, қизлар либослари учун  400000-450000 минг сўм атрофида бўлса, эркаклар кўйлаги ёки футболкаси 100000 сўм атрофида. 

 

 

 

 

 

 

 

La Tienda курьер орқали етказиб бериш, кийиб кўриш, ўлчови тўғри келмаган тақдирда қайтариб юбориш шунингдек, исталган шаклда тўловни амалга ошириш имконини ҳам таклиф қилади.

Бунинг учун сайтда рўйхатдан ўтиб, маъқул келган маҳсулотни танлаб, буюртмани бажариш ва етказиб бериш керак бўлган манзилни кўрсатиш керак бўлади. 

Интернет дўкон очилишидан сал аввал лойиҳа ташкилотчилар ёш дизайнерлар танловини ўтказди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.