Ўзбек иллюстраторининг муаллифлик ишлари Америка дўконларида

Ўзбекистонлик иллюстратор Дмитрий Лигай Американинг Stitch онлайн-дўконининг маҳсулотлари  учун яратилган махсус принтлари муаллифига айланди. Ҳозирда онлайн дўконда Дмитрийнинг махсус принтлари туширилган футболкалар, сумка ва телефонларнинг жилдлари тақдим этилган. Барча маҳсулотлар сотувга чиқарилган ва нарҳи 30$ дан 40$ гача.

 

 

 

 

 

Stitch – бу махсус онлайн платформа. Бу ерда асосий эътибор чегараланган нусхада ишлаб чиқарилган кийим ва аксессуарларга қаратилган. Сотувдан тушган пулнинг 20% эса мухтожларга тарқатилди. Дмитрий Лигай билан биргаликда яна бир бразилиялик таниқли рассом Фабиано Миллани ҳам платформанинг биринчи муаллифларидан бўлди.

 

 

 

 

 

Дмитрий Лигай иллюстратор. Ижод учун севимли мавзулар ҳаёт, ўлим, инсон билан содир бўлаётган турли ҳодисалардир. Техника борасида гапирадиган бўлсак Дмитрий графика, қалам, акварель баъзида эса акрил ва аэрограф билан ишлашни ҳуш кўради. Дмитрий Ўзбекистон, Россия, Қозоғистон, Швейцария, АҚШ ва Вьетнам давлатларининг буюртмачилари билан ишлаб улгурган. Буларнинг ичида Men’s Health, GQ, Billboard, WWF, Сноб, Вокруг Света, Яндекс, Сбербанк, Proспорт, Robb Report Vietnam, Белуга, Esquire, CEO, the village, Rolling Stone ва бошқалар. Қолаверса рассомимиз Москвадаги Bang!Bang!Studio Киевдаги ill ва Париждаги  kot illustration каби агентликлар билан иш олиб борган.

Мyday pop-up store 13/25 лойиҳасида эса Жиззах вилоятини ёритган ҳолда муаллифлик принтларини яратган эди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.