Ўзбекистон «ЭКСПО-2017»да

10 июнь куни Остона шаҳрида «Экспо-2017» номли Халқаро ихтисослаштирилган кўргазма очилиши бўлиб ўтди. Ўзбекистон учун ажратилган павильон 1,500 квадрат метр жойни эгаллади. У ерда электромобиль модели, ўзи қувватланувчи, сув ўтказмайдиган смартфон, эко-завод макети ва бошқа кўплаб ихтиролар тақдим этилди. «Экспо-2017» номли кўргазмада Ўзбекистон иштироки ҳақида батафсил бизда ўқинг.

Электромобильнинг концептуал модели

Автомобиль қуёш батареялари панеллари билан қопланган, ундан олинган энергия ҳисобига электромотор ва аккумулятор қувватланади. Қуёш батареяларидан фойдаланиш углеводороднинг 30% гача ишлатилиши қисқаришига олиб келади.

Гидролизли автомобиль

Ўзбек инженерлари ихтироси «Матиз» русумли автомобиль кўринишида намойиш этилган. Автомобиль ҳаракатланаётган вақтда тоза сувдан водород ишлаб чиқаради, тоза ҳавога чиқаётган чиқинди миқдори 80%га камаяди. Ёқилғи эса 40% гача тежалади. Синов модели бошқа моделлардан анча безарар, чунки водород сақлаш баки мавжуд эмас.

Ўзи қувватланадиган смартфон

АR 2025 русумли механик смартфон қувватланиш мосламасига эга эмас ва сув ўтказмаслик хусусиятига эга.

Эко завод макети

Эко завод томида қуёшли панеллар ўрнатилган, уларнинг кучи ишлаб чиқаришни бутунлай таъминлаб бера олади.  Қўшимча куч сифатида турбинали тегирмонлар ишлатилади. Бундан ташқари завод ёмғир сувини тозалаш ва чиқиндиларни қайта ишлаш мосламасига эга.

«Technorobot» номли робот конструктор

Ёш олимлар ихтироси асосан янги авлодни ихтирочиликка жалб этишга қаратилган. Металопластикдан ясалган, дастурлаштирилган конструктор 1000 та деталлардан иборат ва улардан 12 хилдаги робот ясаса бўлади. Батарейкалари -5В/2А (1,5В дан 4 та батарейка). 5 мм дан 2 м гача бўлган масофани аниқлай олади. 7 хил рангларни ажрата олади. Шовқинларга сезгир (қарсакка таъсирчан). Мп3 форматидаги овоз, мусиқа, матнни  акс эттира олади. Уни смартфон ёрдамида бошқариш мумкин. Робот сенсор, электромоторлар ва контроллерлар билан жиҳозланган.

«SoccerBots» футболчи роботлар

Роботлар Wi-Fi ёрдамида ишлайдиган бошқарув пульти билан бошқарилади. Дарвозалар махсус қизил датчиклар билан жиҳозланиб, командалар дарвозасига кирган тўплар ҳисобини кўрсатади. Урилган голлар ҳисоби светодиодли экранда намойиш этилади.

Водородли пайвандлаш ускунаси

Тақдим этилган мосламада металлга газ алангали ишлов бериш дистилланган сувни электролиз йўл билан водород ва кислородга парчалаш орқали ҳосил қилинадиган ёнувчан водород амалга оширади. Мазкур тадқиқотнинг асосий афзалликлари унинг безарарлиги, экологиклиги ва ишлов бериш мумкин бўлган материаллар кенг қамровлилигидадир.  

«Бионик қўл»

Бионик қўл максимал даражада одамникига ўхшаш бўлиб, у табиий ҳаракатланиш майинлигини қайтаради ва шовқин даражаси паст. Модель кимё саноатида, радиоактив ҳудудларда фойдаланиш учун ишлаб чиқарилган. Уни яратишда юқори сифатли пластик PRL, инфрақизил камера липмоушен, дастурий таъминотлардан: javascript, Nodejs, Arduino, Leapsdk ишлатилган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.