Ўзбекистонда илк валюта айирбошлаш банкомати ишга тушди
15 январ куни GlobUz тўлов тизими АТБ Asia Alliance Bank билан ҳамкорликда мамлакатимиздаги илк валюта айирбошловчи банкоматни тақдим этди. Энди валюта айирбошлаш учун банкларга бориш шарт эмас.
Ҳозирда банкоматда нақд АҚШ долларларни сўмга айирбошлаш мумкин. Айирбошлаш учун валюталарнинг лимити чегараланмаган. Яқин кунларда банкомат орқали евро ҳамда россия рублларни ҳам сўмга алмаштириш мумкин бўлади, дея хабар бермоқда GlobUz тўлов тизимининг расмий сайти.
Илк айирбошловчи банкомат Тошкент шаҳрининг Махтумқули кўчаси, 2а уйда жойлашган Asia Alliance Bankнинг Амалиёт бошқармаси биносида фаолият кўрсатмоқда. Энг асосийси, банкомат хизматидан 24 соат мобайнида фойдаланиш мумкин. Яқин орада банк ушбу банкоматлар сонини кўпайтириб барча филиаллари ва бу хизмат кўрсатувчи банкоматларни жамоат жойларида ўрнатишни режалаштирмоқда.
ИЗОҲЛАР 0