Ўзбекистонда «тонировка»га рухсат берилди

Ўзбекистонда автомобиллар ойнасини қорайтиришга расман рухсат берилди. Қонун-қоидалар ва нархлар ҳақида қуйида ўқишингиз мумкин.

«Туси ўзгартирилган (қорайтирилган) ойнали енгил автотранспорт воситаларидан фойдаланишни тартибга солиш чора-тадбирлари тўғрисида» Ҳукумат қарори қабул қилинди. Унга кўра, 2018 йил 1 августдан қорайтирилган ойнали енгил автотранспорт воситаларидан пулли асосда фойдаланишга рухсат берилди.

Орқа ойнани ёруғлик ўтказувчанлик беш фоиздан кам бўлмаган (95 фоизга қорайтириш), орқа ён ойналарни ёруғлик ўтказувчанлик 30 фоиздан кам бўлмаган (70 фоизга қорайтириш) даражада ўзгартириш мумкин;

Олд ойнанинг тепа қисмини 14 см дан кўп бўлмаган ва ёруғлик ўтказувчанлик 30 фоиздан кам бўлмаган шаклда ўзгартириш учун рухсатнома шарт эмас;

Қорайтиришга рухсатнома олиш учун тўловлар:

жисмоний шахсларга энг кам иш ҳақининг 90 баравари (16 587 000 сўм);

юридик шахсларга энг кам иш ҳақининг 120 баравари (22 116 000 сўм);

хорижий давлатлар юридик шахсларига энг кам иш ҳақининг 140 баравари (25 802 000 сўм).

Ойналарни қорайтириш учун Давлат йўл ҳаракати хавфсизлиги хизмати (ДЙҲХХ)дан рухсатнома (1 йилга берилади) олиш керак.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.