Рио-2016: Сўнгги спорт янгиликлари

Бразилиянинг Рио-де-Жанейро шаҳрида XXXI ёзги Олимпия ва XV Паралимпия ўйинлари давом этмоқда. Сўнгги янгиликлар ҳақида бир четдан.

Спортчиларимиз баҳсларда муносиб тарзда иштирок этиб, юртимиз шарафини ҳимоя қилишга ҳаракат қилмоқдалар.

Бугун, 9 август тўртинчи кун беллашувлари доирасида  4та спортчиларимиз қуйидаги спортнинг тўртта тури бўйича иштирок этадилар:

Бокс –  соат 19:30 Тошкент вақти билан
-60 кг, 1/8 финал
Хуршид Тожибоев - Джозеф Кордина (Великобритания) 

Дзюдо – соат 18:00−21:00, 23:30−1:40 Тошкент вақти билан
-81 кг, барча раундлар 
Шахзодбек Собиров 

Академик эшкак эшиш – соат 16:30−16:50 Тошкент вақти билан
M1x (2000 м) 
Шахбоз Холмурзаев

Оғир атлетика – соат 18:15 Тошкент вақти билан
69 кг, группа B 
Достон Якубов 

Олимпиада ўйинларининг 3 кунида спортчиларимиз қуйидаги натижаларга эришдилар:

Академик эшкак эшиш мусобақасининг дастлабки босқичида ўз гуруҳида тўртинчи ўринни эгаллаган Шахбоз Холмурзаев, тўғридан-тўғри чорак финалга йўл ололмади. Ўтиш беллашувлари орқали ҳамюртимиз ¼ финалга йўл олди ва бугун 1-гуруҳда иштирок этади. 

Вадим Скороваров эса, Пневматик милтиқдан ўқ отиш йўналишида саралаш босқичидан ўта олмади. Вадим 620,9 балл билан 28-натижани қайд этди. 
  
Дзюдо беллашувларида Мирали Шарипов - 73 килограмм вазн тоифасининг 1/32 финалда голландиялик Элмонт Дексга имкониятни бой бериб қўйди. 

Рустам Тўлаганов – Бокс мусобақасининг 1/16 финалида эквадорлик Хулио Кастильони таслим этиб, кейинги босқич йўлланмасини қўлга киритди. 

Хасанбой Дўстматов – 46-49 килограмм вазндаги боксчилар баҳсида мексикалик Хоселито Веласкесни енгиб, иккинчи даврани ғалаба билан якунлади. 

200 метрга комплекс усулда сузиш баҳсида қатнашган Раъно Омонова ўз гуруҳида сўнгги бўлиб маррага келди. Табиийки, бу натижа билан кейинги босқичг ўта олмади. 

Демак, юқоридаги натижалар шуни кўрсатадики, беллашувларга киришган олти нафар спортчимиздан уч нафари кейинги босқичга йўл олган бўлса, уч нафари турнирни тарк этди.

Бугун, 9 августда бўлиб ўтадиган беллашувларда спортчилар 15 медаллар шодаси учун кураш олиб боришади ва унда тўрт нафар спортчимиз баҳсларга киришади. Учинчи кундан сўнг, медал жамғариш бўйича АҚШ термаси етакчиликни давом эттирмоқда. Улар ҳозиргача 5 олтин, 7 кумуш ва 7 бронза медалини қўлга киритишган. 

Терма жамоамиз эса, биринчи ва иккинчи кун баҳсларида Диёрбек Ўрозбоев ва Ришод Собиров олиб келган иккита бронза медали билан 33-поғонада бормоқда.

Ахборот ҳамкоримиз sports.uz

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.