Рио шарҳи: Сўнгги спорт янгиликлари II Қисм

БОКС

Ҳафтанинг энг ёрқин янгилиги боксеримиз Хасанбой Дўсматовнинг финалга йўлланма олгани бўлди. Иккинчи яримфиналда 23 ёшли спортчи америкалик рақиби Нико Эрнандесга қарши рингга чиқди. Шундай қилиб, спортчиларимиз орасида биринчи бўлиб Хасанбой финалга йўл олди. Финалда спортчимиз колумбиялик боксер Юбархен Мартинес Ривасга қарши жанг олиб боради.

***

13 август куни Рио Олимпиадасининг саккизинчи кунги мусобақаларида тўрт нафар боксчимиз рингга кўтарилиши режалаштирилган бўлиб, улардан -91 кг. вазн тоифасида юртимиз шарафини ҳимоя қилаётган боксчимиз Рустам Тўлаганов Олимпиада баҳсларидаги учинчи жангини ўтказди. Мазкур жангда рус боксчисининг қўли баланд келиб, финалга йўл олди. Рустам эса бронза медали соҳибига айланди. 

***

Ўзбек хотин-қизлар бокси тарихида биринчи бўлиб Олимпиада йўлланмасини киритган боксчимиз Ёдгорой Мирзаева канадалик Менди Бужолдга қарши рингга чиқди. Афсуски юртимиз вакили бу жангда мағлубиятга учраб, турнирни тарк этди. 

***

Хуршид Тожибоев (60 кгча бўлган вазн) чорак финалда бразилиялик Робсон Консейсаога имкониятни бой бериб қўйди.  

***

Бектемир Мелиқўзиев (75 кгча бўлган вазн) австралиялик 22 ёшли Дэниель Льюисни мағлубиятга учратиб, чоракфиналга йўлланма олди.  

ЕНГИЛ АТЛЕТИКА

Енгил атлетиканинг 10 000м га югуриш тури  бўйича финал босқичида юртимиз шаънини ҳимоя қилган спортчиларимиз Ситора Хамидова ва Екатерина Тунгусковалар кутилган натижаларга эриша олмадилар. Тунгускова дистанциядан чиқишга мажбур бўлди, Ситора Хамидова эса финишга 24 чи бўлиб етиб келди.

ЕТТИ КУРАШ

Екатерина Воронина 100 метрга тўсиқлар ора югуриш баҳсида энг ёмон натижани қайд этди. Юртимиз вакили  31 спортчи орасида финишга 30 бўлиб келган.  Баландликка сакраш бўйича ҳам ҳамюртимиз 30инчи ўринни эгаллади. 200 метрга югуриш ва ядро отиш баҳсларида енгил атлетикачимиз иштирок этмади.

АКАДЕМИК ЭШКАК ЭШИШ

Бир неча кунлик кутишдан сўнг академик эшкак эшиш мусобақасининг 13-24 ўринлар учун кечган баҳси ўз ниҳоясига етди. Унда спортчимиз Шаҳбоз Холмирзаев 21 натижани қайд этди. 

ТРАМПОЛИН

Екатерина Хилько икки мусобақа натижаларига кўра кули саккизталикк кира олмади. 12 ўринни эгаллаган ҳамюртимиз Олимпиадани тарк этади. 

ДЗЮДО

Катта ишонч билдирилган спортчиларимиздан бири Абдулла Тангриев афсуски олимпиадани медалсиз тарк этади. Бронза учун олиб борилган курашда спортчимиз бразилиялик рақибига имкониятни бой бериб қўйди. 

***

Франциялик  дзюдоист Тедди Ринер олтин учун кечган курашда япон рақибини доғда қолдириб шоҳсупанинг энг юксак поғонасини эгаллади. 

ТЕННИС

Жаҳоннинг бешинчи ракеткаси, теннисист Рафаэль Надаль учта сетта бразилиялик рақиби Томаз Беллуччини енгиб Олимпия ўйинларининг яримфиналига йўлланма олди. 

СУЗИШ

200 метрли масофага сузиш бўйича ғолибликни қўлга киритгач америкалик спортчи Фелпс олимпия ўйинлари тарихида илк 22 бора олимпиада чемпиони унвонига сазовор бўлди. Шунингдек унинг ҳисобида 2та кумуш ва 2та бронза медаллари ҳам бор. У 2000, 2004, 2008, 2012 йилларда Олимпиадада иштирок этган. 
Шу билан 31 ёшли спортчи ўз карьерасини тугатганлигини маълум қилди. 

***

Бугунги кунга келиб медаллар ҳисоби бўйича АҚШ биринчиликни ушлаб турибди. Ўзбекистон эса 55 ўринда. 

***

Биз спортчиларимизни қўллаб қувватлашда давом этамиз. Рио 2016 ҳақидаги энг қизиқ маълумотларни бизда  ўқинг.

Ахборот ҳамкоримиз sports.uz

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.