Спортчиларимиз Олимпиадага жўнаб кетишди

Бугун Ўзбекистон спорт делегациясининг асосий таркиби Рио-Де-Жанейрога жўнаб кетди.

Хабарингиз бор жорий йил 5-21 август кунлари Бразилиянинг Рио-де-Жанейро шаҳрида XXXI ёзги Олимпия ва XV Паралимпия ўйинлари ўтказилади.

Ушбу муносабат билан бугун, 1 августда эрталаб соат 10:00да Ўзбекистон спорт делегациясининг асосий таркиби Рио-Де-Жанейрога жўнаб кетди. Бу ҳақда sports.uz таҳририяти хабар беради.

Кузатиш маросими Тошкент халқаро аэропортида, давлат ва жамоат ташкилотлари, спорт жамоатчилиги вакиллари, спортчиларнинг ота-оналари, оммавий ахборот воситалари ходимлари иштирокида бўлиб ўтди.  

Ўзбекистон спорт делегацияси Рио-де-Жанейро шаҳрига Ўзбекистон ҳаво йўллари миллий авиакомпаниясининг махсус самолётида учиб кетди.  

Спортчиларимизга ёзги Олимпияда ўйинларида омад тилаб, улкан зафарларни қўлга киритишларига тилакдошмиз. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.