Спортчимиз Александр Свечников янги жаҳон рекордини ўрнатди

Аввал хабар берганимиздек, Лондонда пара-атлетика бўйича жаҳон чемпионати бўлиб ўтмоқда. У ерда ҳамюртимиз Дониёр Солиев узоқликка сакраш бўйича олтин медални қўлга киритиб, Осиё рекордини янгилаган эди.

Энди эса мамнуният билан хабар берамизки, яна бир юртдошимиз Александр Свечников найза улоқтириш бўйича энг яхши кўрсатгични қайд этиб олтин медалга сазовор бўлди. Бундан ташқари яна бир қувонарли хабар, спортчимиз бу йўналишда Жаҳон рекордини ҳам янгилади.

Аёллар ўртасида эса яна бир ўзбекистонлик спортчимиз Нозима Қаюмова озроқ фарқ билан хитойлик рақибидан сўнг иккинчи ўринни эгаллаб, кумуш медалига сазовор бўлди. Спортчиларимизга омад тилаб қоламиз.

Маълумот учун, мазкур жаҳон чемпионати 23 июлга қадар давом этади ва унда 1050 нафар спортчи 213та медаллар жамланмаси учун кураш олиб боради.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.