Тошкентда айрим кўчалар вақтинча ёпилади

Алишер Навоий номидаги Ўзбекистон давлат катта театрининг олдидаги майдонида «OPEN AIR-2019» симфоник мусиқа концерт дастури бўлиб ўтиши муносабати билан шаҳримизда айрим кўчалар ёпилади.

Концерт дастурини юқори савияда ташкил этиш мақсадида бугун, 20 сентябрь ва эртага, 21 сентябрь кунлари соат 17.00 дан 23.00 гача:

Матбуотчилар кўчасининг Зарафшон кўчасидан Буюк Турон кўчасигача бўлган қисми;
Буюк Турон кўчасининг Матбуотчилар кўчасидан Ислом Каримов кўчасигача бўлган қисми;
Ислом Каримов кўчасининг Зарафшон кўчасидан Буюк Турон кўчасигача бўлган қисми;
Зарафшон кўчасининг Матбуотчилар кўчасидан Ислом Каримов кўчасигача бўлган қисми;
Бухоро кўчасининг Зарафшон кўчасидан Буюк Турон кўчасигача бўлган қисми барча турдаги транспорт воситалари ҳаракати учун вақтинча ёпилади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.