Юртимизда VII Европа киноси фестивали

Европа киноси фестивали доирасида 11 октябрдан 10 ноябргача Тошкент, Нукус, Урганч ва Жиззах шаҳарларидаги катта экранларда Европанинг етакчи режиссёрлари томонидан яратилган фильмлар намойиш этилади.

VII  Европа киноси фестивали Тошкентда жорий йилнинг 18 октябрь кунига қадар давом этади.  Қорақалпоғистон Республикасининг Нукус шаҳрида – 24-26 октябрь, Хоразм вилоятининг Урганч шаҳрида – 1-3 ноябрь ва Жиззах вилоятининг Жиззах шаҳри кинотеатрларида – 8-10 ноябрь кунлари фестиваль дастуридаги фильмлар намойиш этилади.

Фестиваль доирасида Европанинг 12 мамлакати: Австрия, Белгия, Болгария, Венгрия, Германия, Дания, Италия, Латвия, Голландия, Финляндия, Франция ва Швециянинг таниқли режиссёрлари томонидан яратилган 10 та фильм тақдим этилади. Барча фильмлар рус ва ўзбек тилидаги субтитрлар билан асл тилида намойиш этилади.

Очилиш маросими 11 октябрь соат 18:00да ЭОАВМА «Медиа Холл» биносида бўлиб ўтади.
Кириш бепул.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.