Ёш чемпионларимиз юртимизга қайтдилар

Ислом Каримов номидаги Тошкент халқаро аэропортида Осиё чемпионати ғолиблари - Ўзбекистон U23 терма жамоаси аъзолари кутиб олинди. Чемпионларимиз учган самолёт 28 январь куни соат 23:50да Тошкентда қўнди.

Чемпионларни аэропортда футбол ассоциацияси раҳбарлари, давлат ва жамоат ташкилотлари вакиллари, спортчиларнинг ота-оналари, яқинлари, оммавий ахборот воситалари ходимлари, санъат аҳли, юзлаб мухлислар кутиб олдилар.

Хитойда ёшлар ўртасида футбол бўйича ўтказилган Осиё чемпионати финалида қорли об-ҳавога қарамай, Вьетнам терма жамоаси устидан ғалаба қозонган футболчиларимиз аэропортдаги кутиб олиш маросимидан сўнг икки қаватли автобусларда пойтахтнинг марказий кўчаларида сайр қилиб, «Ўзбекистон» меҳмонхонасига боришди.

Меҳмонхонада чемпионларни расмий тақдирлаш маросими бўлиб ўтди. Унда бош вазир Абдулла Арипов Президент табригини ўқиб эшиттирди. Сўнгра футболчиларнинг ҳар бирига президент совғалари - Chevrolet Malibu русумидаги автомобиллар тақдим этилди.

Маълумот ўрнида:

«Хитойда бўлиб ўтган 23 ёшгача бўлган ёшлар ўртасида ўтказилган Осиё чемпионатида ҳамюртларимиз 2:1 натижа билан Вьетнам жамоаси устидан ғалаба қозондилар. Ўйиннинг 8-дақиқасида Рутсамжон Ашурматов илк голни рақиблар дарвозасига йўллади. Биринчи таймнинг 41-дақиқасида рақиб жамоаси ҳисобни тенглаштиришга муваффақ бўлди. Иккинчи таймда ҳам ҳисоб 1:1лигича қолди. Ҳал қилувчи зарба қўшимча вақтнинг 120-дақиқасида эндигина майдонга тушган Андрей Сидоров томонидан киритилди ва Ўзбекистон терма жамоасини чемпионликка олиб чиқди».

 

Публикация от Admin +998903450707 Abdunabi (@abdulla_qurbonov_official) Янв 28, 2018 at 8:00 PST

 

Публикация от Mashhur Muhammad {[(K.o.A)]} (@mashhurbek_tms) Янв 28, 2018 at 12:43 PST

 

Малибу автомобили эгаларига етиий етиий дип турган жойлари

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.