Офисда тушлик
«Чайкоф»дан етказиб бериш
00:00
Now playing
Выберите радиостанцию
Офисда тушлик
Офисда тушлик: "Московская пицца"
Бу сафар офисда тушлик қилиш учун маскан танлаётган вақтда, бизга «Московская пицца» кафеси айтарли даражада ўз таомномасини кенгайтирганлиги маълум бўлди. Эндиликда ушбу масканда нафақат пиццага, балки бошқа кўпгина нарсаларга ҳам буюртма бериш мумкин. Шунинг учун ҳам бошқа таомлар қанчалик мазали тайёрланишини текширишга қарор қилдик.
Айтганча ушбу кафенинг сайти бор. Унда барча таомнома кўрсатилган. Аммо сайтнинг ўзидан буюртмани расмийлаштиришга ҳаракат қилганимизда, баъзи муаммолар юзага келди ва шу сабабли биз кафега қўнғироқ қилиб, сайтда расмийлаштирган буюртмамиз ҳақида суриштирсак, бизга буюртма рўйҳатдан ўтмаганлигини маълум қилдилар ва телефондан буюртмани қабул қилиб олдилар.
Буюртмамиз вақтида етиб келди.
Қуйида бизнинг буюртма:
| Номи | Нархи |
| Товуқ шўрвали угра (Chicken noodles) | 4500.00 сўм |
| Чечевицали (ясмиқли) крем-шўрва (Lentil cream soup) | 6000.00 сўм |
| Қўзиқоринли крем-шўрва (Cream of mushrooms) | 5800.00 сўм |
| Чучвара шўрва (Meat dumplings with broth) | 5000.00 сўм |
| Карбонара спагеттиси (Pasta Carbonara) | 12300.00 сўм |
| Итальянча салат (Italy) | 7000.00 сўм |
| Грекча салат (Greece) | 9700.00 сўм |
| Цезарь салати (Caesar) | 8000.00 сўм |
| "Пикантный" салати | 10800.00 сўм |
| Тосканча қайлада товуқ гўшти | 10300.00 сўм |
| Московские котлетлари | 13000.00 сўм |
Помилдорили юмшатилган мол гўшти 135000 сўм
Шунингдек, етказиб бериш – 7.000 сўм,
Жами – 113.000 сўм
Шуни айтиб ўтиш жоизки, буюртмамиз иссиқ ва тартибли ўралган ҳолда етиб келди.
Қўзиқоринли крем-шўрва ҳақиқатда мазали ва қуюқ бўлганлиги боис, ҳамкасблар фақатгина яхши фикрларни билдирдилар.
Товуқ шўрвали уградан эса барчани ҳафсаласи пир бўлди. У тузсиз ва мазасиз эди.
Чечевицали (ясмиқли) крем-шўрва борасида фикрлар бўлиниб кетди. Кимдир учун шўрва жуда ҳам мазали кўринди, кимдир учун эса тузсиз ва жуда ҳам қуюқ бўлиб туйилди.
Чучвара эса ярим тайёр дўконларда сотиладиган маҳсулотдан қилинган бўлиб чиқди ва "Роллтон" таъмини сезса бўларди.
Грекча салат эса ёмон эмас, "4-" га баҳоладик. Памилдорилар катта тўралганлиги ва жуда ҳам кўп кўкатлар солинганлигига қарамай салатнинг таъми бузилмаган эди.
"Пикантный" салати эса барча ходимларимизга энг ёққан салатлардан бири бўлди.
Цезарь салати эса барчани майонез билан аралаштирилган ҳолда келтирилгани ҳайратлантирди.
Итальянча салат умуман ҳеч кимга ёқмади. Шу сабабли ҳам ейилмай қолиб кетди. У шўр эди ва асл мазасини билиб бўлмасди.
Котлетлар бир оз оловда кўпроқ ушлаб юборилган, аммо мазали эди. Балки шунчаки жуда ҳам оч бўлганлигимиз учун шундай туйилгандир бизга.
Тосконча қайлали товуқ жуда ҳам қуруқ ва мазасиз бўлиб чиқди.
Помилдорили юмшатилган мол гўштидан тайёрланган таом ҳам тузсиз бўлиб чиқди. Ошпазлар қайла нима эканлиги ҳақида унутиб қўйган бўлиб туйилди бизга. Афсус.
Карбонар таоми эса барчага бирдек манзур бўлди.
.jpg)
Натижада барчамиз, биз эса 7 киши эдик ва етарлича мазали тарзда тушлик қилиб олдик. Яна ҳисоб унчалик кўп бўлмаганлигини инобатга оладиган бўлсак, янада кайфият кўтарилади. Биз «Московская пицца» кафесидан буюртма берилган тушлигимизга унча катта бўлмаган минус билани "5"га баҳоладик.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
08-05-2015
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0