Офисда тушлик
«Чайкоф»дан етказиб бериш
00:00
Now playing
Выберите радиостанцию
Офисда тушлик
Офисда тушлик. Pitixana Sheki
"Офисда тушлик" рукнимизнинг бу галги қаҳрамони «PITIXANA SHEKI» ресторани бўлди. Ушбу маскан пойтахтимизнинг қоқ марказида жойлашган бўлиб, озарбайжон таомлари тайёрланадиган шинам ресторан. Биз уларнинг таомларини таътиб кўриш мақсадида офисга етказиб беришга буюртмани расмийлаштирдик.
Ресторан таомномаси уларнинг фейсбукдаги шахсий саҳифаларида жойлаштирилган бўлиб, тўғриси бу жуда ҳам қулай.
Бизнинг буюртма қуйидагиларни ташкил этди:
- Гирс
- Довга
- Гўштли ва кўкатли Кутаб
- Кюфта
- Кюки
- Пити
- Гўштли Хингял
- Кавказча картошка
- Кўмирда тайёрланган картошка
- Дўлма
- Пахлава.
Биз соат 11:38 да буюртмани расмийлаштиришга ресторанга қўнғироқ қилдик. Бизни айтарли даражада катта буюртмамиз тахминан соат 13:00да тайёр бўлишини маълум қилишди. Ва биз кутган буюртмани офисимизга 13:28да етказишди.
Албатта биз ўзимизни озарбайжон ошхонаси таомлари бўйича экспертлар деб айта олмаймиз, аммо мазасини таътиб, синаб кўриш қизиқарли бўлди. Аминмизки, сиз ҳам баъзида турли масканларда ўзингиз учун янги таъмга ва номга эга таомларни таътиб кўрасиз. Шунинг учун ҳам қуйида сизга озарбойжонча номга эга бўлган тоамларга қуйида қисқа шарҳлар ёзиб кетамиз. Агар сиз янгиликларни ҳуш кўрсангиз, бизнинг мулоҳазамиз сизга қизиқарли бўлади.
Довга - нохат, гуруч, кўкатлар (ялпиз, кашнич, пиёз), тухум ва мацони- қатиқдан тайёрланган мазали ва фойдали шўрва. Жуда ҳам мазали таъмга эга, яхна таом бўлиб чиқди.
Кутаб - бу бизнинг вариқимизга ўхшаган таом бўлиб чиқди. Юпқа хамир ва қиймадан пиширилган озарбайжон егулиги. Ичига қийма, кўкат, анор доналари, пишлоқ ва пиёз қўшилган. Айтганимиздек варақига ўхшаб кетади, фарқи ёғлик эмас ва хамири жуда ҳам майин. Бир оз қуруқроқ.
Кюфта - қўй гўштидан қилинган фрикаделкалар. Жуда ҳам ёғли. Бу тоамнинг мазаси ҳақида ҳамксблар фикри турлича бўлди. Баъзилар учун умуман мазасиз бўлиб кўринди, яна кимдурга ёқди.
Кюки - вегетариан таоми бўлиб, кўпиртирилган тухумлардан тайёрланиб, турли ҳил ингредиентлар билан аралаштирилган. Жуда ҳам мазали ва тўйимли таом бўлиб чиқди. Ўзгача таъмга эга кўкат мазасини зийрак ҳамкасблар дарров сезишди.
Пити - бу таом қўй гўштидан 8 соат давомида кўзачада тайёрланади. Бизнинг мохарага ўхшаган тоам ҳам десак бўлади. Жуда ёғли шўрва. Ҳаммага ёқди, бир оз тузи кам.
Гўштли Хингял - ёғли таом. Аниқроқ қилиб айтсак шилпилдоқ. Биз бу таомни объектив тарзда баҳолай олмадик. Чунки етказиб берилгунча у совиб қолган эди. Бизнинг фикримизча уни иссиқ тортирлганда дарров истеъмол қилиш лозим.
Кавказча картошканинг иси эса жуда ёқимли эди. Аммо тоам тузсиз эди.
Кўмирда тайёрланган картошка- жуда мазали. Бир оз аччиқроқ.
Дўлма катта ва жуда ҳам тотли. Дўлма ҳаммамизнинг эътиборимизни ўзига тортди ва ҳаммадан биринчи бўлиб еб тугатилди.
Пахлава ҳам ҳамага ёқди ва ҳурсанд қилди.
Олти киши учун ҳисоб 139 000 сўмни ташкил этди. Фикримизча ёмон эмас. Нарх ва сифат бир-бирига ҳамоҳанг, ўзини оқлайди. Аммо биз ресторан таклиф этаётган таомларни масканннинг ўзида иссиқ тарзда танаввул қилиш керак деган фикрга келдик. Ана ўшанда сиз озарбайжон ошхонасининг барча таомлари асл мазасини ҳис этиб, лазатланишингиз мумкин бўлади.
Ёқимли иштаҳа!
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
31-07-2015
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0