Афсонавий «Сетора»дан «Раҳмоним» кутилган клип

Афсонавий «Сетора» гуруҳи қизлари Лейли ва Камилла айни дамда яна ижодга қайтгани ҳақида хабар берган эдик. Улар мухлисларга узоқ кутилган «Раҳмоним» номли таронасига суратга олинган клипни тақдим этишди. Мазкур тарона илк бор 12 йил олдин яратилган, лекин сингл сифатида 2016 йилнинг декабрь ойида мусиқасеварлар ҳукмига ҳавола этилган. Камила ва Лейли, клип олиш каби маъсулиятли ишни Дилмурод Агзамовга ишониб топширишди. Тасвирга олиш ишлари асосан Тошкент шаҳри, ҳамда Сўқоқда бўлиб ўтди. 

Гуруҳ аъзолари клипни тақдим этишар экан ўзларининг фейсбук ижтимоий саҳифаларида қуйидаги сўзларни мухлисларига ёзиб қолдирганлар.

Гуруҳ аъзолари клип ҳақида:

Бу биз учун маъсулиятли дақиқалар эди, чунки бу ишда биз Ферузасиз суратга тушдик, лекин унинг кучли ва ажойиб вокали қўшиқда сақланиб колган.
Ҳаётнинг етук палласига кириб келган инсон сифатида биз учун ўз юртидан олисда яшаган ва Ватанига қайтиб келган инсон мавзуси бизга таниш. 
Шунингдек, ўз уйини ташлаб кетиш, «мухожирлик» сабаблари ҳам тушунарлидир. 
Бу қўшиқни тақдим этиш жараёни осон кечмади. Биз 2005 йилда қўшиқнинг биринчи вариантини яратдик, лекин маълум сабабларга кўра бу клип ва қўшиқ тўсиқларга учради.
Клип бирмунча кўтаринки руҳда тугалланади ва «Bollywood style»ни эслатади. Бу ёш клипмейкернинг ғояси эди. Ҳаётда ютуқларга эришиш осонлик ва тезлик билан бўлмайди. 
Ҳаёт қанчалик шафқатсиз бўлмасин, инсон меҳнати, эзгуликка ишонч тақдир томонидан албатта мукофотланишига биз каттиқ ишонамиз.
Ўзга юртларда юрган инсонларга ўз уйига қайтиш насиб қилсин. 

Ҳар икки клип ўз Ватанидан йироқда бўлган инсонлар ҳақида.

«Раҳмоним» қўшиғига олинган янги клип.

«Раҳмоним» қўшиғига суратга олинган клипнинг илк талқини. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.