Бўлмагандай: Kamilla лойиҳаси ёпилди

Pomidor Entertainment продюсерлик маркази хабарига кўра, хонандалар Kamilla ва Улуғбек Ҳолиқов иштирокидаги барча лойиҳалар тўхтилган.

Марказ маъмурияти вакилининг маълумотига кўра, эндиликда Kamilla мусиқа лойиҳаси ёпилди. Изоҳларга кўра бу мусиқа лойиҳаси шоу-бизнес ва поп мусиқа соҳасидаги тажриба бўлган.  

Kamilla лойиҳаси марказ томонидан олиб борилган тарғибот ишлари сабаб машҳур бўлган эди. Хонанданинг ҳар бир қўшиғи, ижоди билан боғлиқ янгиликлар барча интернет тармоқлари ва ОАВларида яшин тезлигида оммалашар эди. 

2015 йилда Kamilla (асли исми Алёна Акиева) «Қор Маликаси» илк оилавий мюзиклининг бош қаҳрамони ролини ижро этган эди.

Pomidor Entertainment компаниясининг айтишича, энди марказнинг асосий йўналиши йирик медиа-лойиҳаларни амалга оширишга, ҳамда мультипликацион сериаллар яратишга қаратилади.

«Иллюзия» қўшиғига ишланган клип Ello YouTube канали ТОП 5талигига кирган.

Хонанданинг илк треки учун мультипликационли видеоклип тасвирга олинган бўлиб, қўшиқ ижрочисининг асли кимлигини пойтахт ахли бир неча ҳафталардан сўнг билган.

Алёна Акиева, Kamilla тахаллуси остидаги хонанда пойтахт ахлига ҚВЗ ўйинлари West жамоасидаги иштироки орқали танилган. Ундан ташқари у Di-Live Band кавер-гуруҳининг ижрочиси бўлган. Гуруҳни тарк этган хонанда ўзининг яккахон ижодини бошлаган. Бир неча ой аввал Алёна ўзбек тадбиркорларидан бирига турмушга чиқди.

uz24.uz материаллари асосида.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.