Клип премьераси: Лола-Хайр

Куни кеча сиз азизларнинг эътиборингизга латофатли хонанда Лола ижросидаги "Хайр" қўшиғини тақдим этган эдик ва тез орада ушбу қўшиққа клип ҳам намойиш этилиши борасида хабар берган эдик. Бугун айнан мана шу Хайр қўшиғига тайёр бўлган видеоклипни ҳавола этмоқдамиз. Клип режиссёри истеъдодли клипмейкер Тимур Примқулов. 
Севимли хонандангиз Лолани ушбу клипда турли хил кўринишларда кўришингиз мумкин. Хонанданинг турли ҳил образларида фалсафий маъно бўлиб, ўтмиш билан видолашмоқ, қалбдаги ички кечинмалардан, ҳислардан халос бўлмоқ ва барча нарсани ортда қолдириб, қайта туғилиш сифатида хонанданинг кўринишларини талқин этиш мумкин. Аммо ҳар бир мухлис клип ҳақида ўзи истаганича хулоса чиқариши ва уни англаши табиий. Демак, кўрамиз ва фикрларимизни билдирамиз азизлар.