Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Клип жараёни: Шаҳзода ва Жасур Ғоипов - "Super lady (Bari gal)"
13 ноябр куни “Ўзбекфильм” павильонида Шаҳзода ва Жасур Ғоипов томонидан “Super lаdy (Bari gal)” дуэт таронасига клип суратга олинди. Биз ҳам албатта ўз ўрнида ушбу съёмка жараёнида иштирок этдик.
Бугун эса пойтахтимизнинг радиостанцияларида ушбу қўшиқнинг премьераси бўлиб ўтади. Клипнинг премьеарси эса 25-26 ноябр кунларига режалаштирилган.
Съемка куни, катта ва бир оз совуқ бинода гавжум ва қувноқ муҳит ҳукмронлик қиларди. Жараён вақтида ҳар тарафдан янги таклифлар, ғоя , маслаҳатлар ва фикрлар билдирилар эди. Бу эса ўз ўрнида сифатли натижани таъминлаши шубҳасиз.
.jpg)
Клип устида ўз ишининг усталари, ҳақиқий профилар – режиссер Жамшид Ҳожиниёзов, оператор Ёдгор Носиров, Даврон Ғоиповлар иш олиб боришди. Трекнинг ўзи Кален Марару томонидан яратилган бўлиб, у кўп вақтдан бери хонанда Шаҳзода учун қўшиқ ёзиб келади. Улар қаторида «Qo'llar tepaga» ва «Yor-Yor» қўшқиларидир.
Шаҳзоданинг айтишича, қўшиқ кутилмаган - r'n'b услубида. Албатта клип ҳам ушбу услубга мос тарзда ишланган бўлиб, қиёфалар ҳам street-style урфида танланган.
Шаҳзода: “Бу бизнинг Жасур билан биринчи ҳамкорликдаги трекимиздир. Ўйлайманки, бу тарона жуда ҳам муваффақиятли бўлади. Мен Жасур билан анчадан буён танишман, тўғрироғи унинг яқин қариндоши Даврон Ғоипов билан кўп гастролларда бўлганман. Шу сабабли ҳам мамнуният билан биргаликда дуэт қўшиқ ижро этишга рози бўлдим. Биринчидан, Жасурнинг овоз тембри менга жуда ҳам ёқади, иккинчидан эса, қўшиқнинг ўзи ҳам менга жуда маъқул келди. Клип ғоясини барча ижодий жамоамиз билан биргаликда ўйлаб топдик. Съёмкага тайёргарлик ишлари эса жуда ҳам тез амалга ошди. Балки бунга жамоанинг катталиги сабаб бўлгандир ҳам”.
Жасур Ғоипов: “Қўшиқ шарқ r’n’b услубида. Шаҳзода билан айтилган дуэт жуда ҳам қизиқарли деб ўйлайман, чунки биз иккимизни нафақат Ўзбекистонда балки чет элда ҳам яхши танишади. Ушбу ижодий ҳамкорликдан ҳеч қандай мақсад кўзланмаган, бу фақатгина ижодий жараёндир. Биз қўшиқ омадли бўлади деб ўйлаймиз, чунки бизнинг шоу-бизнесимиздаги сўнгги вақтлардаги стандартлашган тенденцияларни кузатдик. Биз эса, ўз ўрнида мухлисларга катта самарали меҳнат орқасидан яралган маҳсулотни тақдим этмоқдамиз”.
.jpg)
Клип сюжетга эга эмас. Клипда асосан қўшиқ ижрочилари иштирок этган. Аммо унда раққослар ҳам бўлади. Қўшиқ эса муҳаббат ҳақида. Тарона икки тилда, ўзбек ва инглиз тилларида чиқади.
Биз эса қўшиқ ва унга ишланган клип ўз мухлисларини топишига умид қилиб қоламиз ва сабрсизлик билан клип чиқишини кутиб қоламиз.
Клипнинг съемка жараёнидан тўлиқ фотоҳисоботни бу ерда кўришингиз мумкин.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
14-11-2014
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0