Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Масрур Усмонов концертидан фоторепортаж
28, 29 ноябр кунлари ''Истиқлол'' санъат саройида Масрур Усмоновнинг узоқ кутилган яккахон концерт дастури бўлиб ўтди. Бу куни залга хонанданинг асл мухлислари йиғилганини англаш қийин эмас эди. Масрур Усмоновнинг овози янграши билан йиғилганлар уни катта олқишлар билан кутиб олдилар.
Концерт дастури хонанданинг “Азизам” қўшиғи билан очиб берилди. Саҳна декорацияси жуда ҳам дабдабали бўлмасада, дид билан безатилган эди, саҳна марказида катта монитор ўрнатилган бўлиб, икки четида оппоқ зинапоялар қурилган.
Бошқа ҳамкасбларидан фарқли ўлароқ хонанда концерт дастурида бошловчиликни ҳам ўз зиммасига олган экан.
Шунингдек концертга раққосалар билан бир қаторда созандалар ҳам жалб этилган.
Дастур давомида хонанданинг укаси Расулхон Усмонов билан биргаликда куйланган дуэт тарона ҳам ижро этилди. Ушбу тарона дан сўнг Масрур Усмонов саҳнани вақтинча тарк этди ва расулхон Усмонов ўзининг мумтоз қўшиқларидан яратилган мусиқий гулдаста билан йиғилганларни хушнуд этди.
Дастурнинг иккинчи қисми ''Ёдингдаму'' таронаси билан бошланди. Томошабинлар олқишидан мазкур тарона барчанинг дилидан жой олган қўшиқ экани маълум бўлди. Навбатдаги тарона ушбу қўшиқнинг мантиқий давоми эканлигини ва унинг яралиш тарихи ҳақида хонанданинг ҳикоясидан сўнг “Биринчи муҳаббатим” қўшиғи янгради.
Яна бир олқишга сазовор бўлган тарона “Қайнона” деб номланиб, мазкур қўшиқ учун махсус саҳна кўриниши ҳам яратилган. Саҳна кўринишида халқ севган актриса Тўти Юсупова ҳам иштирок этдилар.
Хонанданинг ота-онасига бағишлаб куйлаган қўшиғи барчани кўзида ёш қалқишига сабаб бўлди. Қўшиқ ниҳоясига етгач хонанда ота-онасига таъзим бажо келтриб, уларга катта гулдасталар ҳадя этди.
Дастур давомида хонанда бир неча бор либосларини алмаштирди. Либослар устида дизайнер Комил Исоқжонов иш олиб борганини қайд этишимиз мумкин. Бутун дастур давомида “Тошкент зеболари” рақс дастаси йиғилганларни ўз рақслари билан мамнун этишди.
Хонандани муваффақиятли ўтган илк имтиҳони билан чин қалбдан табриклаб қоламиз.
Концерт дастуридан тўлиқ фотоҳисоботни бу ерда томоша қилишингиз мумкин.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
01-12-2014
ИЗОҲЛАР 0