Севара Назархоннинг «Точь в точь» лойиҳасида иштироки давом этмоқда

Истеъдодли хонандаи Севара Назархон «Точь в точь» лойиҳасида иштирок ётаётганлиги ҳақида хабар берган эдик, ҳамда унинг биринчи чиқишидан видео лавҳа ҳам тақдим этилганди. 

Севара ушбу лойиҳада ўзининг актерлик маҳоратини ошириб, ўзининг қаҳрамонларини ҳаққоний равишда яратишга уриниб келмоқда. Баъзида унинг чиқишлари жюри аъзолари томонидан қаттиқ танқидга олинса, баъзида олишқишларга сабаб бўлиб келмоқда. 
Биз Севара иштирокидаги ушбу лойиҳани кузатар эканмиз уни, Шадэ, Наташа Королева, Линда тимсолларида кўрдик.

Куни кеча, яъни 30 март куни Севара Назархоннинг кейинги қаҳрамони Ўзбекистон, Қирғизистон, Қозоғистон Халқ артисти Роза Рымбаева бўлди. 
Жюри аъзоси Севаранинг чиқишини жуда ҳам мамнуният билан қабул қилди. Севара Назархон шоунинг якунида умумий 23 балл тўплади. 

Ҳамюртимиз бешта раунддан сўнг умумий 116 балга эга бўлди. 

Эътиборингизда Севара Назархон Роза Рымбаева тимсолидаги видео лавҳа!