Шоу-бизнес сўнгги янгиликлари

Куз ойини ўзбек шоу-бизнеси вакиллари қандай бошлаб олишди. Ким нима билан банд?! Ҳаммаси ҳақида бир четдан.

Гулғунчаларга бурканган Муниса Ризаевадан тез кунда янги клип

 

 

 

 

 

Мухлисларнинг севимли хонандаси, ёрқин ижодкор хонанда Муниса Ризаева мухлислари орасида оммалашишга улгурган «Гулғунча» таронаси учун клип тасвирга олдирди. Клип режиссёри Наримон Султонхўжаев. Клипда албатта мухлислар доимгидек хонандани бир қанча бетакрор образларда кўришади. Ҳаттоки Лидия Андре томонидан «Гулғунча» клипи учун атиргул ғунчаларидан такрорланмас либос ҳам яратилди. Демак, хонандадан тез кунда янги клип премьерасини кутиб қоламиз. Ҳозирча эса қўшиқни бу ерда тингланг.

Шохжаҳон Жўраевдан «Ким эдигу ким бўлдик» янги клип ва концерт

Жўраевлар сулоласи вакили Шохжаҳон Жўраев мухлислар ҳукминига «Ким эдигу ким бўлдик» номли қўшиғи учун ишланган клипни кенг омма ҳукмига тақдим этди. Шунингдек, хонанданинг шу номли концерт дастури 20,21 ва 22 октябрда бўлиб ўтади.

Райҳон энди «Milliy» телеканалда бошловчи

Ўзбекистонда Хизмат кўрсатган артист Райҳон Ганиева 1 сентябардан бошлаб тўлиқ эфир намойишига ўтган «Milliy» телеканалида ҳар ҳафта хит-парад кўрсатувини олиб боради. Эслатиб ўтамиз, хонанда бундан аввал ҳам MY5 телеканалида Love story лойиҳасига бошловчилик қилган.

Бахром Назаровнинг концерти ноябрга белгиланди

Хонанда 26 ва 27 ноябр кунлари ўзининг «Бахт учун» номли концерт дастурини тақдим этади. Батафсил.

Сардор Рахимхондан фотосессия

 

 

 

 

 

Ўзбекистонда Хизмат кўрсатган артист Сардор Раҳимхон эса мухлислари ҳукмига янги куз-қиш фотосессияни тақдим этди. Суратлар муаллифи фотограф Исфандиёр.

Лоланинг «Хабар ол»и энди клипи билан

Мухлисларининг гоҳида муҳаббатига, гоҳида эса ғазабига учраб турадиган ўзбек эстрадасининг латофатли хонандаси Лола яна бир муҳаббат ҳикояси акс этган клипини омма ҳукмига тақдим этди. Видеони бу ерда кўринг.

«Қайсар ошиқлар» фильми тез кунда катта экранларда

Актёр ва тақлидчи Шерзод Биннинг режиссёр сифатида илк иши ҳисобланган «Қайсар ошиқлар» фильмининг премьера куни ҳам аниқ бўлди. Премьера санаси 24 сентябрга белгиланган бўлиб, мухлислар катта экранларда 25 сентябрдан томоша қилишлари мумкин бўлади. Фильмда Асал Шодиева, Жаҳонгир Тўлқинов, Элёр Носиров, Раъно Ярашева, Муҳаммад Исо Абдулхайиров, Лола Элтоевалар каби ажойиб актёрлар жамоасини кўриш мумкин.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.