Улуғбек Раҳматуллаевдан «Бемеҳргинам»га клип

Хонанда мухлисларини янги видеоклип билан хушнуд этди.

Ўзбекистонда хизмат кўрсатган артист Улуғбек Раҳматуллаев янги «Бемеҳргинам» деб номланган таронасини мухлислари эътиборига ҳавола қилган эди. Мазкур композиция хонанданинг ноябрь ойида бўлиб ўтадиган концерт дастури учун яратилган қатор тароналардан бири ҳисобланади.  Қўшиқ матни Хушнуд Дарвеш қаламига мансуб. Мусиқаси устида бастакор Иқбол Муҳаммад тер тўккан. Мусиқий сайқал муаллифи Жасур Бадалбоев.  Энди эса хонанданинг мулислари ушбу таронага ишланган видеоасардан баҳраманд бўлиш имкониятига эгалар. Клип  Дилмурод Агзамов режиссёрлигида суратга олинган бўлиб, унда бош ролларни Шаҳзода Матчанова ва Бекзод Абдумуҳитов ижро қилган. Клипни томоша қилинг ва ўзингиз баҳо беринг!

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.