Ўзбек шоу-бизнесида нима гаплар?

2016 йилнинг 13,14 ва 15 май кунлари Истиқлол санъат саройида бўлиб ўтиши кутилаётган «Менинг Тошкентим» мюзиклига тайёргарлик ишлари авжида. Мюзикл ижодкорлари «Шарқ» гуруҳи солистлари Сарвар ва Татьянани мухлислар ўзгача қиёфада кўришлари мумкин бўлади. 

Хонанда Шохруҳхон «Сўнгги қўнғироқ» номли янги таронасини мухлислари ҳукмига тақдим этди. Хонанданинг бу ижод иши албатта ўқув муассасаларини битираётган ва катта ҳаётга қадам қўяётган битирувчилар учун муносиб туҳфа.

Актёр Жавоҳир Зокиров яқиндагина мухлислар ҳукмига «Сен бўлмасанг ёнимда» таронасини янгича талқинини, яъни ўз ижросида тақдим этган эди. Эндиликда у янги «Зарб» номли таронага ишланган ватанпарварлик руҳидаги клипни ҳавола этди. Клипда юртимиз спортчиларнинг эришган муваффақиятлари кўрсатилган. Жавоҳир Зокировдан янги ижод иши ҳукмингизда. Кўринг ва ўзингиз баҳо беринг.  

Хонанда Фаррух Комилов шу кунларда янги «Вой-вой» номли қўшиғига ишланган видеоклипни тақдим этди. Трек ва сюжетдан иборат клипда бош ролларни Луиза Расулова ва Шерзод Бин ижро этишган. Клипни қуйида томоша қилинг. 

Хонанда Сардор Мамадалиевнинг «Шойи рўмол-2» номли қўшиға ишланган клипини тез орада мухлислар кўришлари мумкин бўлади. Клипда бош ролда раққоса Паризода иштирок этган. Клипни «9999» студияси томонидан тасвирга олинган. Ҳозирча клипдан видеопарчани кўришингиз мумкин. 

Озод Шамснинг «Вахший» фильми томошабинлар ҳукмига 12 майдан тақдим этилади. Мазкур фильмда бош ролларни Хамид Тошпўлатов, Асал Шодиева, Хамид Тошпўлатов, Мираброр Мирхалилов, Жамила Ғофурова, Азиз Раметов ва бошқалар рол ижро этишган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.