Юлдуз Усмоновадан тез орада янги клип

Ўзбек эстрадасининг примадоннаси Юлдуз Усмонованинг расмий сайтида хабар берилишича, 2 декабрда хонанда “Сабо бўлиб” деган қўшиғига клип тасвирга олдирган.

Съёмка ишлари Япон боғида олиб борилган. Клип хонанданинг кўпгина клипларини тасвирга туширган “9999” студияси томонидан суратга олинди. Шунингдек, клипда “Паризод” рақс ансамбли иштирок этган.

Шунингдек, хонанданинг расмий сайтида ёзилишича, янги альбом устида ўз жамоаси билан биргаликда жадал иш олиб бормоқда. Примадоннанинг янги альбоми “ Мен сен билан Қироличаман” номини олган. Альбомни яратиш ишлари ўз ниҳоясига етиб қолган. Демак, тез орада кўпчиликнинг севимли хонандаси Юлдузхоним Усмоновадан янги ижод ишлари ва кўпгина туҳфалар мухлисларни шод этади.  

Манба: yulduz.uz